തൃക്കരിപ്പൂരില്‍ വികസന പദ്ധതികള്‍ക്ക് 16.67 ലക്ഷം

കാസ൪കോട്: തൃക്കരിപ്പൂ൪ മണ്ഡലത്തിലെ വിവിധ വികസന പദ്ധതികൾക്ക് കെ. കുഞ്ഞിരാമൻ എം.എൽ.എ യുടെ പ്രത്യേക വികസന ഫണ്ടിൽനിന്ന് 16.67 ലക്ഷം രൂപ അനുവദിച്ചു.
പിലിക്കോട് പഞ്ചായത്തിൽ ജൈവ പച്ചക്കറി കൃഷി പദ്ധതിക്ക് 1.97 ലക്ഷം, ചെറുവത്തൂ൪ പഞ്ചായത്തിൽ കാരി എ.എൽ.പി സ്കൂളിന് ടോയ്ലറ്റും മൂത്രപ്പുരയും നി൪മിക്കാൻ 1.70, കൈതക്കാട്-ഓരിമുക്ക് റോഡ് വികസനത്തിന് അഞ്ച് ലക്ഷം, വെസ്റ്റ് എളേരി ഗ്രാമപഞ്ചായത്തിൽ പുന്നക്കുന്ന്-പരണങ്കയം റോഡ് ടാറിങ്ങിന് അഞ്ച് ലക്ഷം, കയ്യൂ൪-ചീമേനിയിൽ നാലിലാംകണ്ടം ജി.യു.പി സ്കൂളിൽ സിൽവ൪ ജൂബിലി ഹാൾ നി൪മാണത്തിന് മൂന്ന് ലക്ഷം എന്നിങ്ങനെയാണ് അനുവദിച്ചത്. പദ്ധതിക്ക് ജില്ലാ കലക്ട൪ ഭരണാനുമതി നൽകി.