ദേവഗൗഡക്ക് കൈക്കൂലി വാഗ്ദാനം ചെയ്തിരുന്നതായി മകന്‍

ബംഗളൂരു: പ്രധാനമന്ത്രിയായിരിക്കേ എച്ച്.ഡി ദേവഗൗഡക്ക് കൈക്കൂലി വാഗദാനം ചെയ്തിരുന്നതായി റിപ്പോ൪ട്ട്. ദേവഗൗഡയുടെ മകനും ക൪ണാട മുൻ മുഖ്യമന്ത്രിയുമായിരുന്ന കുമാരസ്വാമിയാണ് പുതിയ വിവാദവുമായി രംഗത്തെത്തിയത്.

തൻെറ പിതാവ് പ്രധാനമന്ത്രിയായിരുന്ന കാലത്ത് പ്രതിരോധ കരാ൪ നേടാൻ മധ്യവ൪ത്തികൾ പതിവായി അദ്ദേഹത്തെ സമീപിച്ചിരുന്നുവെന്ന് കുമാര സ്വാമി പറഞ്ഞു.

അതേസമയം, പ്രതിരോധ മന്ത്രാലയത്തിൽ അഴിമതി സാധാരണമായിരുന്നുവെന്നതിൻെറ തെളിവാണ് കുമാരസ്വാമിയുടെ പ്രസ്താവനയെന്ന് ബി.ജെ.പി നേതാവ് ബാൽബീ൪ പുഞ്ച് പറഞ്ഞു. കൈകൂലി വാഗ്ദാനം ചെയ്ത സംഭവം ഗൗഡ എന്തുകൊണ്ട് പുറത്ത് പറഞ്ഞില്ലെന്ന് അദ്ദേഹം ചോദിച്ചു.

നേരത്തെ, സൈനിക കരാറിന് 14 കോടി രൂപ വാഗ്ദാനം ചെയ്തിരുന്നുവെന്ന സൈനിക മേധാവി ജനറൽ വി.കെ സിങിൻെറ പ്രസ്താവന വിവാദമായിരുന്നു.