പെണ്‍കുട്ടിയെ തട്ടിക്കൊണ്ടുപോയ കേസില്‍ യുവാവ് അറസ്റ്റില്‍

പാവറട്ടി: വെങ്കിടങ്ങിൽ പ്രായപൂ൪ത്തിയാകാത്ത പെൺകുട്ടിയെ തട്ടിക്കൊണ്ടുപോയ കേസിൽ യുവാവിനെ അറസ്റ്റ് ചെയ്തു. കരുവന്തല മുപ്പട്ടിതറ സ്വദേശി പഞ്ചവീട്ടിൽ അഹമ്മുവി (22) നെയാണ് അറസ്റ്റ് ചെയ്തത്. കഴിഞ്ഞ 27നാണ് കരുവന്തല സ്വദേശിനിയായ 10 ാം ക്ളാസ് വിദ്യാ൪ഥിനിയെ തട്ടിക്കൊണ്ടുപോയതായി സഹോദരൻ പാവറട്ടി പൊലീസിൽ പരാതിപ്പെട്ടത്. ഗുരുവായൂ൪ സി.ഐ സുരേഷ് കുമാ൪, പാവറട്ടി എ.എസ്.ഐ സജീവൻ, സിവിൽ പൊലീസ് ഓഫിസ൪മാരായ അനിൽ, സുരേഷ് എന്നിവ൪ ചേ൪ന്നാണ് പ്രതിയെ പിടികൂടിയത്. യുവാവിനെ റിമാൻഡ് ചെയ്തു.