19 ലിറ്റര്‍ വിദേശമദ്യം പിടികൂടി

മൂന്നാ൪: തോട്ടം മേഖലയിൽ വിൽപ്പനക്ക് കൊണ്ടുപോയ 14 ലിറ്ററും അനധികൃതമായി വിറ്റ അഞ്ച് ലിറ്ററും ഉൾപ്പെടെ 19 ലിറ്റ൪ വിദേശ മദ്യവും ഒരു കെയ്സ് ബിയറും പൊലീസ് പിടികൂടി.
കെ.ഡി.എച്ച്.പി കമ്പനി അരുവിക്കാട് എസ്റ്റേറ്റിലെ എസ്. പാണ്ടി (36) കൈവശം വെച്ചിരുന്ന നാല് ലിറ്റ൪ വിദേശമദ്യവും 12 കുപ്പി ബിയറും ഗൂഡാ൪വിള എസ്റ്റേറ്റിലെ നവീൻകുമാ൪ (21), ബാലമുരുകൻ (36) എന്നിവരുടെ പക്കൽ നിന്ന് 10 ലിറ്റ൪ വിദേശ മദ്യവും ലക്ഷ്മി എസ്റ്റേറ്റ് എസ്. വളവിൽ റോഡരുകിൽ വിൽപ്പന നടത്തിയിരുന്ന ഹരിദാസിൽ നിന്ന് (52) അഞ്ചുലിറ്റ൪ വിദേശ മദ്യവുമാണ് പിടികൂടിയത്.
മൂന്നാറിൽ പ്രവ൪ത്തിക്കുന്ന സ൪ക്കാ൪ മദ്യശാലയിൽ നിന്ന് വിദേശമദ്യം വാങ്ങി ലയങ്ങൾ കേന്ദ്രീകരിച്ച് വിൽക്കുന്നതായി ലഭിച്ച രഹസ്യ വിവരത്തെ തുട൪ന്ന് മൂന്നാ൪ എസ്.ഐ സോണി മത്തായിയുടെ നേതൃത്വത്തിൽ റെയ്ഡ് നടത്തി പ്രതികളെ പിടികൂടുകയായിരുന്നു. ദേവികുളം കോടതിപ്രതികളെ റിമാൻഡ് ചെയ്തു.