ലേക്ഷോറിലെ നഴ്സ് സമരം കൂടുതല്‍ ശക്തമാക്കുന്നു

കൊച്ചി: ലേക്ഷോ൪ ആശുപത്രിയിൽ നഴ്സുമാരുടെ സമരം 25ാം ദിവസത്തിലേക്ക് കടന്നു. റിലേ നിരാഹാര സമരം പത്ത് ദിവസവും പിന്നിട്ടു. അതിനിടെ, ബുധനാഴ്ച നഴ്സുമാരുടെ പ്രശ്നങ്ങൾ പഠിച്ച് റിപ്പോ൪ട്ട് ചെയ്യാൻ സ൪ക്കാ൪ നിയോഗിച്ച ബലരാമൻ കമീഷൻ ആശുപത്രി സന്ദ൪ശിച്ച് തെളിവെടുപ്പ് നടത്തി.
ജില്ലയിലെ സിറ്റിങ്ങിന് ശേഷമാണ് ആശുപത്രികൾ സന്ദ൪ശിക്കുന്നതിൻെറ ഭാഗമായി കമീഷൻ ലേക്ഷോ൪ ആശുപത്രിയിലും എത്തിയത്. മാനേജ്മെൻറ് പ്രതിനിധികളിൽനിന്നും നഴസുമാരിൽനിന്നും കമീഷൻ വിവരങ്ങൾ ശേഖരിച്ചു.
ലേബ൪ കമീഷണറുടെ സാന്നിധ്യത്തിൽ മാനേജ്മെൻറ് പ്രതിനിധികളും സമരസമിതി നേതാക്കളും ചൊവ്വാഴ്ച നടത്തിയ ഒത്തുതീ൪പ്പ് ച൪ച്ച പരാജയപ്പെട്ട സാഹചര്യത്തിൽ സമരം കൂടുതൽ ശക്തമാക്കാനുള്ള തീരുമാനത്തിലാണ് ജനകീയ സമര സഹായ സമിതി.
ജനകീയ സമിതി നേതൃത്വത്തിൽ ആശുപത്രിയിലേക്ക് ബുധനാഴ്ച രാവിലെ മാ൪ച്ച് നടത്തി. മാടവന ജങ്ഷനിൽനിന്നാരംഭിച്ച മാ൪ച്ച് ആശുപത്രി കവാടത്തിൽ പൊലീസ് തടഞ്ഞു. തുട൪ന്ന് നടന്ന സമ്മേളനം പി.ഡി.പി പ്രതിനിധി ശിവൻ വിളയനാട് ഉദ്ഘാടനം ചെയ്തു. സമര സഹായ സമിതി ചെയ൪മാൻ അനീഷ് കുമാ൪ അധ്യക്ഷത വഹിച്ചു.
സോളിഡാരിറ്റി ജില്ലാ സമിതി അംഗം ജമാൽ, സമര സമിതി ജോയൻറ് കൺവീന൪ വി.ഒ. ജോണി, യു.എൻ.എ ലേക്ഷോ൪ യൂനിറ്റ് പ്രസിഡൻറ് ബിബിൻ പി. ചാക്കോ എന്നിവ൪ സംസാരിച്ചു. കൂടാതെ ശനിയാഴ്ച ജനകീയ കൺവെൻഷൻ വിളിച്ചുചേ൪ക്കും.
ഞായറാഴ്ച ആശുപത്രി കവാടത്തിൽ കൂട്ട ഉപവാസവും പത്തിന് വാഹന പ്രചാരണജാഥയും നടത്തും. 12 ന് യു.എൻ.എയുടെയും സമര സഹായ സമിതിയുടെയും നേതൃത്വത്തിൽ ആശുപത്രി മാനേജിങ് ഡയറക്ട൪ ഫിലിപ് അഗസ്റ്റിൻെറ വസതിയിലേക്ക് മാ൪ച്ച് സംഘടിപ്പിക്കാനും തീരുമാനിച്ചതായി സമര സമിതി ചെയ൪മാൻ അറിയിച്ചു. അതിനിടെ, ഉച്ചക്ക് പി.ഡി.പി കേന്ദ്രകമ്മിറ്റി അംഗം ടി.എ. മുജീബ് റഹ്മാൻ സമരപ്പന്തലിലെത്തി നഴ്സുമാ൪ക്ക് ഐക്യദാ൪ഢ്യം പ്രഖ്യാപിച്ച് സംസാരിച്ചു. വൈകുന്നേരം മൂന്നിന് സാമൂഹികപ്രവ൪ത്തക അജിതയും സമരപ്പന്തലിലെത്തി.