കള്ളുഷാപ്പ് വിരുദ്ധ സമരത്തില്‍ പങ്കെടുത്ത വീട്ടമ്മക്ക് മര്‍ദനം

ചാരുംമൂട്: കള്ളുഷാപ്പ് മാറ്റണമെന്നാവശ്യപ്പെട്ട് നടന്ന സമരത്തിൽ പങ്കെടുത്ത വീട്ടമ്മക്ക് മ൪ദനം. നൂറനാട് പാലമേൽ പള്ളിക്കൽ ഗൗരീവിലാസത്തിൽ പ്രകാശൻെറ ഭാര്യ ഷീബക്കാണ് (34) മ൪ദനമേറ്റത്. വെള്ളിയാഴ്ച രാവിലെ 8.30ന് ഷീബയുടെ വീട്ടിൽവെച്ചായിരുന്നു സംഭവം. ഇതുമായി ബന്ധപ്പെട്ട് പയ്യനല്ലൂ൪ കണിയാവടക്കതിൽ അനിയെ (25) നൂറനാട് പൊലീസ് അറസ്റ്റുചെയ്തു. മാമൂട് ശതരൂപ ജാഗ്രതാ സമിതിയുടെ നേതൃത്വത്തിലാണ് എരുമക്കുഴി ചെഞ്ചേരി ക്ഷേത്രത്തിന് സമീപത്തെ ഷാപ്പ് മാറ്റണമെന്നാവശ്യപ്പെട്ട് സമരം നടന്നത്.