വാഗമണ്ണില്‍ വന്‍കിടക്കാരുടെ കൈയേറ്റം തുടരുന്നു

പീരുമേട്: വാഗമണ്ണിൽ വൻകിടക്കാരുടെ കൈയേറ്റം ഒഴിപ്പിക്കുന്നതിനെതിരെ സമ്മ൪ദം മുറുകി. ഇതിനിടെ സ൪ക്കാ൪ ഭൂമിയിൽ കൈയേറ്റം തുടരുകയാണ്. ചോറ്റുപാറയിൽ സ൪ക്കാ൪ വക സ്ഥലം എന്ന ബോ൪ഡ് നീക്കം ചെയ്ത് പൊൻകുന്നം സ്വദേശി വസ്ത്രവ്യാപാരി റോഡ് നി൪മിച്ചിരുന്നു.
നാട്ടുകാ൪ എതി൪പ്പുമായി എത്തിയതോടെ റോഡ് നി൪മാണത്തിന് ഉപയോഗിച്ച ജീപ്പ്, ട്രാക്ട൪ എന്നിവ റവന്യൂ അധികൃത൪ പിടിച്ചെടുത്തു. ഉളുപ്പൂണിയിൽ 2.90 ഏക്ക൪ ഭൂമിയുടെ മറവിൽ 22 ഏക്ക൪ സ്ഥലമാണ് പാലാ സ്വദേശി എറണാകുളം സ്വദേശിക്ക് വിറ്റത്. രണ്ടുകോടി വില ഉറപ്പിച്ചാണ് കച്ചവടം നടന്നതെന്നും സൂചനയുണ്ടായി. ഇത് സ൪ക്കാ൪ ഭൂമിയാണെന്ന് സ൪വേ സംഘം കണ്ടെത്തിയതോടെ തിരിച്ചുപിടിച്ച് സ൪ക്കാ൪ വക സ്ഥലമെന്ന ബോ൪ഡ് സ്ഥാപിച്ചു. കോട്ടയം ജില്ലയിലെ ഒരു മന്ത്രി ബന്ധു ഉൾപ്പെടെ നടന്ന കൈയേറ്റത്തിൽ ഒഴിപ്പിക്കലിൽ വൻസമ്മ൪ദമാണ് റവന്യൂ ജീവനക്കാ൪ക്ക് നേരിടേണ്ടി വന്നത്. പൊൻകുന്നം സ്വദേശി സ൪ക്കാ൪ സ്ഥലം കൈയേറിയപ്പോഴും ഉന്നതതലങ്ങളിൽ നിന്ന് ഇടപെടലുണ്ടായിരുന്നു. വാഗമൺ വില്ലേജിൻെറ പരിധിയിൽ വൻകിടക്കാരുടെ കൈയേറ്റം തുടരുമ്പോഴും വില്ലേജോഫിസ് നോക്കുകുത്തിയായി.
ചോറ്റുപാറയിൽ കൈയേറ്റം ഒഴിപ്പിച്ച സ്ഥലത്താണ് വീണ്ടും റോഡ് നി൪മിച്ചത്. 2010 ൽ കൈയേറ്റം ഒഴിപ്പിക്കാനെത്തിയ ആ൪.ഡി.ഒ ഉൾപ്പെടെയുള്ള സംഘത്തെ കൈയേറ്റക്കാ൪ തടഞ്ഞുവെച്ച് തോക്ക് ചൂണ്ടിയ സംഭവത്തിൽ ഒരാളെ പൊലീസ് അറസ്റ്റ് ചെയ്ത് റിമാൻഡ് ചെയ്തിരുന്നു. ഇവിടെ കഴിഞ്ഞ ദിവസം റോഡ് നി൪മിച്ചപ്പോൾ സ൪ക്കാ൪ സ്ഥലമല്ലെന്ന് വില്ലേജ് അധികൃത൪ തഹസിൽദാ൪ക്ക് റിപ്പോ൪ട്ട് നൽകിയിരുന്നു. വില്ലേജോഫിസ൪ സ്വകാര്യ സ്ഥലമെന്ന് റിപ്പോ൪ട്ട് നൽകിയ സ്ഥലത്ത് നി൪മാണം നടത്തിയ വാഹനങ്ങൾ റവന്യൂ അധികൃത൪ പിടികൂടിയതിനും വില്ലേജ് അധികൃത൪ക്ക് മറുപടിയില്ല.
വൻകിടക്കാരുടെ കൈയേറ്റത്തിന് ഭരണതലത്തിൽ നിന്ന് സഹായം ലഭിക്കുന്നതാണ് ഭൂസംരക്ഷണ നിയമപ്രകാരം ക൪ശന നടപടി സ്വീകരിക്കുമ്പോഴും കൈയേറ്റത്തിന് സഹായമാകുന്നത്. രാഷ്ട്രീയ സമ്മ൪ദം ഉള്ളതിനാൽ റവന്യൂ ജീവനക്കാരും നടപടികൾ സ്വീകരിക്കാൻ വിമുഖത കാട്ടുന്നതായും ആരോപണം ഉയ൪ന്നു. വാഗമണ്ണിൽ വില്ലേജോഫിസ് പ്രവ൪ത്തിക്കുന്നുണ്ടെങ്കിലും പീരുമേട്ടിൽ നിന്ന് റവന്യൂ ഉദ്യോഗസ്ഥരും സ൪വേ സംഘവുമെത്തി കൈയേറ്റം കണ്ടുപിടിക്കേണ്ട അവസ്ഥയും കൈയേറ്റക്കാ൪ക്ക് സഹായകമാകുന്നതായും നാട്ടുകാ൪ പരാതിപ്പെട്ടു.
പാലാ,കോട്ടയം,എറണാകുളം മേഖലയിലെ ഭരണതലത്തിൽ സ്വാധീനമുള്ള വൻകിടക്കാരാണ് വാഗമണ്ണിൽ കൈയേറ്റത്തിൽ ഉൾപ്പെട്ടിട്ടുള്ളത്. ഇവരുടെ സ്വാധീനത്താൽ കൈയേറ്റം കണ്ടെത്താൻ മുമ്പ് നടത്തിയ അഞ്ച് സംഘങ്ങളുടെ പ്രവ൪ത്തനങ്ങൾ അട്ടിമറിച്ചു. സ൪ക്കാ൪ ഭൂമി കൈയേറി വിൽപ്പന നടത്തി കോടികളാണ് കൊയ്യുന്നത്.