മുല്ലപ്പെരിയാര്‍ : കേരളത്തിനെതിരെ തമിഴ്നാടിന്റെ പരാതി

ഉന്നതാധികാര സമിതിയുടെ അന്തിമ യോഗം ഞായറാഴ്ചയും തിങ്കളാഴ്ചയും
ന്യൂദൽഹി: മുല്ലപ്പെരിയാ൪ പ്രശ്നത്തിൽ കേരളത്തിനെതിരെ തമിഴ്നാട് ഉന്നതാധികാര സമിതിക്ക് പരാതി നൽകി. മുല്ലപ്പെരിയാ൪ അണക്കെട്ടിൽ അറ്റകുറ്റപ്പണി നടത്താൻ കേരളം അനുവദിക്കുന്നില്ലെന്ന് കാണിച്ചാണ് തമിഴ്നാടിന്റെ പരാതി.

സുപ്രീം കോടതി നിയോഗിച്ച ഉന്നതാധികാര സമിതിയുടെ അവസാന യോഗം 22, 23 തിയതികളിൽ ദൽഹിയിൽ നടക്കുന്നുണ്ട്. സുപ്രിംകോടതിക്കു സമ൪പ്പിക്കാനുള്ള അന്തിമ റിപ്പോ൪ട്ടിന് രൂപം നൽകാനാണ് യോഗം.

ഏപ്രിൽ 30നാണ് സമിതിയുടെ കാലാവധി അവസാനിക്കുന്നത്. അതിന് മുമ്പ് മുല്ലപ്പെരിയാ൪ വിഷയത്തിൽ സമിതി സുപ്രീം കോടതിക്ക് റിപ്പോ൪ട്ടു നൽകും.

അഞ്ചംഗ സമിതിയിൽ കേരളത്തിന്റെ പ്രതിനിധിയായി ജസ്റ്റിസ് കെ.ടി. തോമസും തമിഴ്നാടിന്റെ പ്രതിനിധിയായി ജസ്റ്റിസ് എ.ആ൪.ലക്ഷ്മണനുമാണുള്ളത്.