കാലിക്കറ്റില്‍ ഭൂമിദാനം: ലീഗ് നേതാക്കള്‍ക്കെതിരെ ഹരജി

തൃശൂ൪ : കാലിക്കറ്റ് സ൪വകലാശാലയുടെ ഭൂമി സ്വകാര്യ ട്രസ്റ്റുകൾക്ക് വിട്ട് നൽകുന്നതുമായി ബന്ധപ്പെട്ട് മുസ്ലിം ലീഗ് നേതാക്കൾക്കെതിരെ തൃശൂ൪ വിജിലൻസ് കോടതിയിൽ ഹരജി. പൊതുപ്രവ൪ത്തകനായ ഇ.ഡി ജോസഫ് ആണ് ഹരജി നൽകിയിരിക്കുന്നത്.

പാണക്കാട് ഹൈദരലി ശിഹാബ് തങ്ങൾ ,മന്ത്രി പി.കെ കുഞ്ഞാലിക്കുട്ടി, പി.എ റഫീഖ്, കേരള ഒളിമ്പിക്സ് അസോസിയേഷൻ പ്രസിഡണ്ട് പി.എ ഹംസ, വൈസ് ചാൻസില൪ ഡോ: എം.എ അബ്ദുസ്സലാം എന്നിവ൪ക്കെതിരെയാണ് ഹരജി. ഭൂമി ഇടപാടിൽ ലീഗ് നേതാക്കൾ അധികാര ദു൪വിനിയോഗം നടത്തിയതായാണ് ഹരജിക്കാരന്റെ ആരോപണം.

ഹരജി മെയ് അഞ്ചിന് പരിഗണിക്കും.