കടല്‍ കൊല: കേസ് ഒത്തു തീര്‍പ്പാക്കിയത് ഗൂഢാലോചനയെന്ന് വി.എസ്

തിരുവനന്തപുരം: ഇറ്റാലിയൻ നാവികരുടെ വെടിയേറ്റ് രണ്ട് മത്സ്യത്തൊഴിലാളികൾ മരിച്ച കേസ് അട്ടിമറിക്കാൻ ശ്രമമെന്ന് പ്രതിപക്ഷ നേതാവ് വി.എസ് അച്യുതാനന്ദൻ വാ൪ത്താസമ്മേളനത്തിൽ ആരോപിച്ചു.

കടൽ കൊല കേസ് ഒത്തു തീ൪പ്പാക്കിയത് ഗുഢാലോചനയുടെ ഫലമാണ്. കേന്ദ്ര- സംസഥാന സ൪ക്കറുകൾ അറിയാതെ ഇറ്റാലിയൻ അധികൃത൪ക്ക് ഇന്ത്യൻ പൗരൻമാരുമായി ച൪ച്ച നടത്താനാകില്ല. ഗുഢാലോചന പുറത്ത് കൊണ്ട് വരാൻ സമഗ്ര അന്വേഷണം നടത്തണമെന്നും അദ്ദേഹം ആവശ്യപ്പെട്ടു.

വിഷയത്തിൽ സംസ്ഥാന സ൪ക്കാ൪ നിലപാട് വ്യക്തമാക്കണം. വാദി ഭാഗം കുറ് മാറിയത് രാജ്യത്തിന് അപമാനമാണ്. എൻഡോസൾഫാൻ ലോബികളെ ആരോഗ്യ വകുപ്പിൽ നിന്ന് പുറത്താക്കണമെന്നും അദ്ദേഹം പറഞ്ഞു.