സ്പോണ്‍സര്‍ഷിപ്പിന് പകരം കരാര്‍ സമ്പ്രദായം വരുന്നു

ദോഹ: പ്രവാസി തൊഴിലാളികളുടെ സ്പോൺസ൪ഷിപ്പ് സംവിധാനം നി൪ത്തലാക്കി പകരം കരാ൪ സമ്പ്രദായം നടപ്പാക്കാൻ ഖത്ത൪ ആലോചിക്കുന്നു. സ്പോൺസ൪ഷിപ്പിന് പകരം തൊഴിലുടമയും തൊഴിലാളിയും തമ്മിൽ തൊഴിൽ മന്ത്രാലയത്തിൻെറ മേൽനോട്ടത്തിൽ ഒപ്പുവെക്കുന്ന കരാറിൻെറ അടിസ്ഥാനത്തിൽ ഇരു കക്ഷികളുടെയും അവകാശങ്ങളും ചുമതലകകളും നിശ്ചയിക്കുന്നതായിരിക്കും പുതിയ സംവിധാനം. തൊഴിലാളികളുടെ അവകാശ സംരക്ഷണത്തിനായി ട്രേഡ് യൂണിയൻ സ്ഥാപിക്കുമെന്നും അൽ അറബ് പത്രത്തിനനുവദിച്ച അഭിമുഖത്തിൽ തൊഴിൽ മന്ത്രാലയം അണ്ട൪ സെക്രട്ടറി ഹുസൈൻ യൂസുഫ് അൽ മുല്ല അറിയിച്ചു.
പുതിയ സംവിധാനം എന്ന് പ്രാബല്യത്തിൽ വരുമെന്ന് വ്യക്തമാക്കിയിട്ടില്ല. അതേസമയം, സ്പോൺസ൪ഷിപ്പ് സംവിധാനം നി൪ത്തലാക്കിയാലും തൊഴിലാളിക്ക് സ്വതന്ത്രമായി മറ്റൊരു തൊഴിൽ സ്വീകരിക്കാൻ കഴിയില്ല. മറ്റൊരു ജോലിയിലേക്ക് മാറണമെന്നുള്ളവ൪ക്ക് കരാ൪ റദ്ദാക്കി രാജ്യം വിടാം. എന്നാൽ, ഇങ്ങനെ ജോലി ഉപേക്ഷിക്കുന്നതിന് പണം മാത്രമായിരിക്കരുത് കാരണമെന്ന് ഹുസൈൻ യൂസുഫ് സൂചിപ്പിച്ചു. കരാ൪ റദ്ദാക്കി രാജ്യം വിടുന്നവ൪ വേറൊരു ജോലിയിലേക്ക് ഖത്തറിലേക്ക് തിരിച്ചുവരണമെങ്കിൽ പുതിയ തൊഴിലുടമയുമായി വേറെ കരാ൪ ഉണ്ടാക്കിയിരിക്കണം.
എന്നാൽ, കരാ൪ റദ്ദാക്കി പോകുന്നവ൪ക്ക് പുതിയ ജോലിക്കായി ഖത്തറിലേക്ക് മടങ്ങിവരാൻ നിശ്ചിത സമയപരിധി കഴിയേണ്ടതുണ്ടോ എന്ന കാര്യം അദ്ദേഹം വ്യക്തമാക്കിയില്ല. നിലവിലെ നിയമനുസരിച്ച് വിസ റദ്ദാക്കിപോകുന്ന പ്രവാസികൾക്ക് മറ്റൊരു ജോലിക്കായി തിരിച്ചുവരണമെങ്കിൽ രണ്ട് വ൪ഷം കഴിയണമെന്നുണ്ട്.
സ്പോൺസ൪ഷിപ്പ് എന്ന പദം അന്താരാഷ്ട്ര മനുഷ്യാവകാശ സംഘനകൾക്കിടയിൽ ആശയക്കുഴപ്പമുണ്ടാക്കുന്നതും അടിമത്ത സമ്പ്രദായത്തിൻെറ പ്രതീതി ജനിപ്പിക്കുന്നതുമാണ്. ഈ സാഹചര്യത്തിലാണ് സ്പോൺസ൪ഷിപ്പിന് പകരം കരാ൪ സമ്പ്രദായം നടപ്പാക്കാൻ ആലോചിക്കുന്നതെന്ന് ഹുസൈൻ യൂസുഫ് വിശദീകരിച്ചു. തൊഴിലാളികളുടെ പാസ്പോ൪ട്ട് കമ്പനികൾ പിടിച്ചുവെക്കുന്നത് നിരോധിച്ചത് ഇതിൻെറ ആദ്യ ചുവടുവെപ്പ് എന്ന നിലയിലാണ്. തൊഴിലാളികളുടെ ശമ്പളം കമ്പനികൾ വൈകിക്കുന്നത് ഒരു നിലക്കും അംഗീകരിക്കാനാവില്ല. ഇത് ഏറ്റവും ഗൗരവമുള്ള വിഷയമാണെന്ന് പറഞ്ഞ അദ്ദേഹം ആനുകൂല്യങ്ങൾ സമയത്ത് ലഭിക്കാൻ തൊഴിലാളികൾക്ക് അ൪ഹതയുണ്ടെന്നും ചൂണ്ടിക്കാട്ടി.
വീട്ടുജോലിക്കാരികളെ കൂടി ഉൾപ്പെടുത്തി സ്വകാര്യമേഖലക്കായി പ്രത്യേക നിയമം കൊണ്ടുവരാനിരിക്കുന്നതിനാൽ കരാ൪ സമ്പ്രദായം അവ൪ക്ക് ബാധകമായിരിക്കില്ലെന്ന് ഹുസൈൻ യൂസുഫ് വ്യക്തമാക്കി. പ്രവാസികളുടെ തൊഴിലും താമസവുമായി ബന്ധപ്പെട്ട് ജി.സി.സി രാജ്യങ്ങൾക്ക് ഏകീകൃത നിയമം വേണമെന്നതാണ് ഖത്തറിൻെറ നിലപാട്.
ട്രേഡ് യൂണിയൻ സ്്ഥാപിക്കുന്നതിന് മുന്നോടിയായി സ്വകാര്യമേഖലയുടെയും പ്രവാസി തൊഴിലാളികളുടെയും പ്രതിനിധികളെ ഉൾപ്പെടുത്തിയ തൊഴിൽ സമിതി രൂപവത്കരിക്കു ഈ സമിതിയുടെ ഭരണസമിതിയിൽ സ്വദേശികളെ മാത്രമേ ഉൾപ്പെടുത്തൂ. ഭരണസമിതിയിൽ ഇടം ലഭിക്കില്ലെങ്കിലും വിദേശികൾക്ക് വോട്ടവകാശമുണ്ടായിരിക്കും. ഭാവിയിൽ ട്രേഡ്യൂണിയൻ രൂപവത്കരിക്കുകയും അവയുടെ പ്രവ൪ത്തനത്തിന് മേൽനോട്ടം വഹിക്കുകയും ചെയ്യുന്നത് പ്രസ്തുത സമിതിയായിരിക്കും. തൊഴിലാളികളുടെ പരാതികളിൽ തീ൪പ്പുകൽപ്പിക്കുകയും അവരുടെ അവകാശങ്ങൾ സംരക്ഷിക്കുകയും ചെയ്യുക എന്നതാണ് സമിതിയുടെ പ്രധാന ചുമതല. സമിതി നിലവിൽ വരുന്നതോടെ തൊഴിൽ വകുപ്പ് അടക്കമുള്ള സ൪ക്കാ൪ ഏജൻസികളുടെ ജോലിഭാരം കുറയുമെന്നാണ് പ്രതീക്ഷ. സമിതിയുടെയോ ട്രേഡ് യൂണിയൻെറയോ മേൽ തൊഴിൽ മന്ത്രാലയത്തിന് ഒരു വിധ നിയന്ത്രണവും ഉണ്ടായിരിക്കില്ല. വിഷയം മന്ത്രിസഭയും അഡൈ്വസറി കൗൺസിലും ഇതിനകം ച൪ച്ച ചെയ്തതായും അമീ൪ ശൈഖ് ഹമദ് ബിൻ ഖലീഫ ആൽഥാനി ഇതിൽ താൽപര്യം പ്രകടിപ്പിച്ചിട്ടുണ്ടെന്നും ഹുസൈൻ യൂസുഫ് പറഞ്ഞു.
അടിസ്ഥാനസൗകര്യ വികസന പദ്ധതികളുടെ ഭാഗമായി ഖത്തറിലേക്ക് ഘട്ടം ഘട്ടമായി പത്ത് ലക്ഷം തൊഴിലാളകളെയെങ്കിലും റിക്രൂട്ട് ചെയ്യപ്പെടുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു.