ഓലന്‍ഡിന് ഒബാമയുടെ ക്ഷണം

വാഷിങ്ടൺ : പുതിയ ഫ്രഞ്ച് പ്രസിഡൻറ് ഫ്രാങ്സ്വാ ഓലൻഡിനെ ബറാക് ഒബാമ വൈറ്റ് ഹൗസിലേക്ക് ക്ഷണിച്ചു. ഈ മാസാവസാനം അമേരിക്കയിലെത്താനാണ് ക്ഷണം.
തെരഞ്ഞെടുപ്പ് ഫലമറിഞ്ഞയുടനെ ഒബാമ ഫോണിൽ വിളിച്ച് ഓലൻഡിനെ അഭിനന്ദിച്ചു. സാമ്പത്തിക,സുരക്ഷ മേഖലയിലെ പ്രതിസന്ധികൾ ഇരു രാജ്യങ്ങളും കൈമാറുന്ന തരത്തിൽ ബന്ധങ്ങൾ ഊഷ്മളമാവുമെന്ന് പ്രതീക്ഷിക്കുന്നതായി ഒബാമ അറിയിച്ചതായി വൈറ്റ് ഹൗസ് വക്താവ് വ്യക്തമാക്കി .
ഇരു രാജ്യങ്ങളിലെയും ജനങ്ങൾ തമ്മിലുള്ള ദൃഢമായ ബന്ധത്തിൻെറ ആവശ്യവും ഒബാമ എടുത്തുപറഞ്ഞു.
വൈറ്റ് ഹൗസ് യോഗത്തിന് മുമ്പ് ഇരുരാജ്യങ്ങളും തമ്മിൽ മറ്റൊരു കൂടിക്കാഴ്ചക്ക് ഒബാമ പദ്ധതിയിട്ടിരുന്നു.
18,19 തീയതികളിൽ നടക്കുന്ന ജി 8 ഉച്ചകോടിക്ക് അമേരിക്ക ആതിഥേയത്വം വഹിക്കുന്നുണ്ട്. യൂറോപ്പിലെ രണ്ടാമത്തെ വലിയ സാമ്പത്തിക ശക്തിയായ ഫ്രാൻസ് നേരിടുന്ന കടുത്ത സാമ്പത്തിക പ്രശ്നങ്ങളിൽനിന്ന് കരകയറാൻ തെരഞ്ഞെടുപ്പു ഫലം സഹായകമാകുമെന്നാണ് പ്രതീക്ഷ.