പാകിസ്താനില്‍ വിമാനാപകടത്തില്‍ നാല് പൈലറ്റുമാര്‍ മരിച്ചു

ഇസ്ലാമാബാദ്: പാകിസ്താൻ വ്യോമസേനയുടെ രണ്ട് ചെറുവിമാനങ്ങൾ ദൈനംദിന പരിശീലനത്തിനിടെ കൂട്ടിയിടിച്ച് രണ്ട് പൈലറ്റ് വിദ്യാ൪ഥികളും പരിശീലകരായ രണ്ട് വൈമാനികരും മരിച്ചു. ഇസ്ലാമാബാദിന്റെ വടക്കുപടിഞ്ഞാറുഭാഗത്താണ് അപകടം നടന്നത്. ഒരാഴ്ചക്കിടെ വ്യോമസേനയുടെ രണ്ടാമത്തെ അപകടമാണിത്. അപകടകാരണം വ്യക്തമായിട്ടില്ല. തുട൪ച്ചയായുണ്ടാകുന്ന അപകടങ്ങൾ സുശക്തമെന്നു കരുതിയിരുന്ന വ്യോമസേനാവിമാനവ്യൂഹത്തിന്റെ വിശ്വാസ്യതക്ക് മങ്ങലേൽപിച്ചിരിക്കുകയാണ്.