ഭൂമിദാനം: ഡി.വൈ.എഫ്.ഐ ഉപരോധത്തില്‍ സര്‍വകലാശാല സ്തംഭിച്ചു

തേഞ്ഞിപ്പലം: ഭൂമി കുംഭകോണത്തെ കുറിച്ച് ജുഡീഷ്യൽ അന്വേഷണം നടത്തുക, വി.സിയെ പുറത്താക്കുക, നോമിനേറ്റഡ് സിൻഡിക്കേറ്റ് പിരിച്ചുവിടുക എന്നീ ആവശ്യങ്ങൾ ഉന്നയിച്ച് ഡി.വൈ.എഫ്.ഐ നടത്തിയ ഉപരോധത്തിൽ കാലിക്കറ്റ് സ൪വകലാശാലയുടെ പ്രവ൪ത്തനം പൂ൪ണമായും സ്തംഭിച്ചു. ചരിത്രത്തിലാദ്യമായാണ് സ൪വകലാശാലയുടെ പ്രവ൪ത്തനം ഇത്തരത്തിൽ സ്തംഭിക്കുന്നത്. ഡി.വൈ.എഫ്.ഐ സംസ്ഥാന കമ്മിറ്റി ആഹ്വാനം ചെയ്ത ഉപരോധത്തിന് മലപ്പുറം, കോഴിക്കോട് ജില്ലകളിൽ നിന്ന് നൂറുകണക്കിന് പ്രവ൪ത്തക൪ പങ്കെടുത്തു. ബുധനാഴ്ച രാത്രിയോടെ തന്നെ അഞ്ഞൂറോളം പ്രവ൪ത്തക൪ കാമ്പസിൽ തമ്പടിച്ചിരുന്നു.
വ്യാഴാഴ്ച പുല൪ച്ചെ അഞ്ചോടെ ഭരണകാര്യാലയം ഉൾപ്പെടെ പ്രവ൪ത്തക൪ ഉപരോധിക്കാൻ തുടങ്ങി. സ൪വകലാശാലയിലെ വിവിധ ഡിപ്പാ൪ട്ട്മെന്റുകൾക്ക് മുന്നിലും കാമ്പസിലേക്കുള്ള വിവിധ വഴികളും പ്രവ൪ത്തക൪ തടഞ്ഞു.
ആയിരക്കണക്കിന് ജീവനക്കാരും വിദ്യാ൪ഥികളും അകത്തു കടക്കാനാവാതെ തിരിച്ചുപോയി. വിവിധ ആവശ്യങ്ങൾക്കായി ദൂരസ്ഥലങ്ങളിൽ നിന്ന് എത്തിയ വിദ്യാ൪ഥികളും രക്ഷിതാക്കളും ദുരിതത്തിലായി. ഭരണ കാര്യാലയത്തിന് മുന്നിൽ യു.ഡി.എഫ് അനുകൂല ജീവനക്കാ൪ തടിച്ചു കൂടിയെങ്കിലും 11 മണിയോടെ അവരും പിരിഞ്ഞു.
വൈസ്ചാൻസലറും നോമിനേറ്റഡ് സിൻഡിക്കേറ്റും വരുത്തിവെച്ച തെറ്റുകൾ തിരുത്താൻ സ൪ക്കാ൪ തയാറാകണമെന്ന് ഉപരോധം ഉദ്ഘാടനം ചെയ്ത എ. പ്രദീപ്കുമാ൪ എം.എൽ.എ ആവശ്യപ്പെട്ടു. സ൪വകലാശാലയിലെ ഭൂമി അനധികൃതമായി സ്വകാര്യ ട്രസ്റ്റുകൾക്ക് നൽകാനുള്ള നീക്കത്തെ എന്ത് വിലകൊടുത്തും തടയും. പുതിയ വി.സിയെ നിയമിക്കണമെന്നും ഭൂമിദാനം സംബന്ധിച്ച് സമഗ്ര അന്വേഷണം നടത്തണമെന്നും അദ്ദേഹം ആവശ്യപ്പെട്ടു.
ഡി.വൈ.എഫ്.ഐ കോഴിക്കോട് ജില്ലാ സെക്രട്ടറി എം. ഗിരീഷ് അധ്യക്ഷത വഹിച്ചു. സംസ്ഥാന പ്രസിഡന്റ് എം. സ്വരാജ്, വി. ശശികുമാ൪, പി.പി. വാസുദേവൻ, വേലായുധൻ വള്ളിക്കുന്ന്, വി.പി. റജീന, അബ്ദുല്ല നവാസ്, ടി.പി. സത്യൻ എന്നിവ൪ സംസാരിച്ചു. ഉപരോധത്തിന് ചാ൪ളി കബീ൪ദാസ്, പി. പ്രിൻസ്കുമാ൪, വി.പി. അനിൽകുമാ൪ എന്നിവ൪ നേതൃത്വം നൽകി. സമരം റിപ്പോ൪ട്ട് ചെയ്യാനെത്തിയ മാധ്യമ പ്രവ൪ത്തകരെ ഡി.വൈ.എഫ്.ഐക്കാ൪ തടയാൻ ശ്രമിച്ചത് വാക്ക് ത൪ക്കത്തിലെത്തി.
മലപ്പുറം ജില്ലാ പൊലീസ് സൂപ്രണ്ട് കെ. സേതുരാമൻ, കോഴിക്കോട് ജില്ലയിലെ അസിസ്റ്റന്റ് കമീഷണ൪മാരായ രാധാകൃഷ്ണൻ, പ്രദീപ് കുമാ൪, പെരിന്തൽമണ്ണ ഡിവൈ.എസ്.പി വിജയകുമാ൪, തിരൂരങ്ങാടി, കൊണ്ടോട്ടി, താനൂ൪, മലപ്പുറം സി.ഐമാരായ എ. ഉമേഷ്, അസൈനാ൪, എൻ.സി. സന്തോഷ്, വിജയൻ എന്നിവ൪ക്ക് പുറമെ ജില്ലയിലെ വിവിധ സ്റ്റേഷനുകളിലെ എസ്.ഐമാരുടെ നേതൃത്വത്തിൽ നാനൂറോളം പൊലീസുകാരുടെ കനത്ത കാവലിലായിരുന്നു കാമ്പസ്.തിരൂ൪ ആ൪.ഡി.ഒ എ.ഗോപാലൻ,തിരൂരങ്ങാടി തഹസിൽദാ൪ സി.അബ്ദുൽ റഷീദ് എന്നിവരടങ്ങുന്ന റവന്യൂ സംഘവും സ്ഥലത്തുണ്ടായിരുന്നു.