നവജാത ശിശുവിനെ ഉപേക്ഷിച്ച വീട്ടുജോലിക്കാരി പിടിയില്‍

ഷാ൪ജ: ജോലി ചെയ്യുന്ന കെട്ടിടത്തിൻെറ മാലിന്യങ്ങൾ നിക്ഷേപിക്കുന്ന സ്ഥലത്ത് നവജാത ശിശുവിനെ ഉപേക്ഷിച്ച ഫിലിപ്പീനോ വീട്ടുജോലിക്കാരിയെ ഷാ൪ജ പൊലീസ് പിടികൂടി. ഈ കെട്ടിടത്തിൻെറ ഒമ്പതാം നിലയിൽ താമസിക്കുന്ന കുടുംബത്തിൽ ജോലിക്കാരിയായ യുവതിയാണ് പിടിയിലായത്. കെട്ടിടത്തിലെ കാവൽക്കാരനാണ് കുട്ടിയെ മാലിന്യത്തിൽ കണ്ടെത്തിയത്. ഉടൻ വിവരം ഷാ൪ജ പൊലീസിൽ അറിയിക്കുകയായിരുന്നു. പൊലീസെത്തി കുട്ടിയെ അൽ ഖാസിമി ആശുപത്രിയിലേക്ക് മാറ്റി. തുട൪ന്ന് നടത്തിയ അന്വേഷണത്തിലാണ് യുവതി പിടിയിലായത്. ഇവ൪ നിയമവിരുദ്ധമായിട്ടാണ് എമിറേറ്റിൽ ജോലി ചെയ്തിരുന്നതെന്ന് കണ്ടെത്തി. വഴിവിട്ട ബന്ധത്തിൽ ജനിച്ച കുഞ്ഞായത് കൊണ്ടാണത്രെ ഇവ൪ ഉപേക്ഷിച്ചത്.