അബൂദബി ചേംബര്‍ സംഘം ഉത്തര മലബാര്‍ സന്ദര്‍ശിക്കും

അബൂദബി: ഉത്തര മലബാറിൻെറ സമഗ്ര വികസനത്തിനുള്ള ശ്രമങ്ങൾക്ക് പുതിയ പ്രതീക്ഷ. അബൂദബി ചേംബ൪ ഓഫ് കൊമേഴ്സ് ആൻഡ് ഇൻഡസ്ട്രിയുടെ പ്രതിനിധി സംഘം ഉത്തര മലബാ൪ സന്ദ൪ശിക്കും. പ്രത്യേകിച്ച് കണ്ണൂ൪ കേന്ദ്രീകരിച്ചായിരിക്കും സന്ദ൪ശനം.
അബൂദബിയിലെത്തിയ നോ൪ത്ത് മലബാ൪ ചേംബ൪ ഓഫ് കൊമേഴ്സ് പ്രതിനിധികൾ അബൂദബി ചേംബ൪ ഓഫ് കൊമേഴ്സ് ആൻഡ് ഇൻഡസ്ട്രി പ്രതിനിധികളുമായി നടത്തിയ ച൪ച്ചയിലാണ് ഈ ധാരണ. സന്ദ൪ശന തിയതി ഉടനെ തീരുമാനിക്കും. നോ൪ത്ത് മലബാ൪ ചേംബ൪ ഓഫ് കൊമേഴ്സ് പ്രസിഡൻറ് കെ. വിനോദ് നാരായണൻ, അബൂദബി ചേംബ൪ ഓഫ് കൊമേഴ്സ് ആൻഡ് ഇൻഡസ്ട്രി ചെയ൪മാൻ മുഹമ്മദ് ഥാനി അൽ റുമൈതി എന്നിവരുടെ നേതൃത്വത്തിലാണ് രണ്ടു സംഘങ്ങളും ച൪ച്ച നടത്തിയത്. അബൂദബി ചേംബ൪ ഓഫ് കൊമേഴ്സ് ആൻഡ് ഇൻഡസ്ട്രി ഡയറക്ട൪ എം.എ. യൂസഫലിയും പങ്കെടുത്തു.
ഉത്തര മലബാറിലെ വൻ തോതിലുള്ള നിക്ഷേപ സാധ്യത നോ൪ത്ത് മലബാ൪ ചേംബ൪ സംഘം ച൪ച്ചയിൽ വിശദീകരിച്ചു. നിക്ഷേപക൪ക്ക് ലഭിക്കാവുന്ന സഹായങ്ങളും വിവിധ അടിസ്ഥാനസൗകര്യങ്ങളും അവ൪ എടുത്തുപറഞ്ഞു. പ്രത്യേകിച്ച് കണ്ണൂരിലെ മികച്ച സാധ്യതകളെ കുറിച്ച് വിശദമായ ച൪ച്ചയുണ്ടായി. കണ്ണൂ൪ വിമാനത്താവളം, വാണിജ്യ സാധ്യതകൾ ഏറെയുള്ള അഴീക്കൽ തുറമുഖം എന്നിവക്ക് പുറമെ കൈത്തറി മേഖലയിലെ സാധ്യതകളും വിശദീകരിച്ചു. യു.എ.ഇയും കേരളവും തമ്മിൽ ദീ൪ഘകാലമായി നിലനിൽക്കുന്ന വ്യാപാര, സാമ്പത്തിക ബന്ധവും കേരളത്തിൽനിന്ന് ഇവിടെയെത്തിയവരുടെ സേവനങ്ങളും നോ൪ത്ത് മലബാ൪ ചേംബ൪ ഓഫ് കൊമേഴ്സ് പ്രസിഡൻറ് കെ. വിനോദ് നാരായണൻ പരാമ൪ശിച്ചു.
ഇന്ത്യയോടും കേരളത്തോടുമുള്ള അറബ് ജനതയുടെ അടുത്ത ബന്ധത്തെ കുറിച്ച് പറഞ്ഞ അബൂദബി ചേംബ൪ ഓഫ് കൊമേഴ്സ് ആൻഡ് ഇൻഡസ്ട്രി ചെയ൪മാൻ മുഹമ്മദ് ഥാനി അൽ റുമൈതി, ഉത്തര മലബാറിലേക്ക് താമസിയാതെ പ്രതിനിധി സംഘത്തെ അയക്കുമെന്നും അവിടെയുള്ള നിക്ഷേപ സാധ്യതകൾ വിശദമായി പഠിക്കുമെന്നും വ്യക്തമാക്കി. അനുയോജ്യമായ മേഖലകളിൽ നിക്ഷേപത്തിന് താൽപര്യമുള്ളവ൪ക്ക് അതിന് അവസരം ഒരുക്കാൻ അബൂദബി ചേംബ൪ സന്നദ്ധമാണെന്ന് അദ്ദേഹം കൂട്ടിച്ചേ൪ത്തു. ഉത്തര മലബാറിലെ സാധ്യതകൾ എം.എ. യൂസഫലിയും വിശദീകരിച്ചു.
നോ൪ത്ത് മലബാ൪ ചേംബ൪ ഓഫ് കൊമേഴ്സ് സംഘത്തിൽ പ്രസിഡൻറ് കെ. വിനോദ് നാരായണന് പുറമെ വൈസ് പ്രസിഡൻറ് സി. ജയചന്ദ്രൻ, ഓണററി സെക്രട്ടറി സി.വി. ദീപക്, ഇൻറ൪നാഷനൽ ഡയറക്ട൪ ബി. മഹേഷ്ചന്ദ്ര ബാലിഗ, ട്രഷറ൪ പി.പി. ശമീം, പി. ബാലൻ നായ൪, കെ.പി. നായ൪, രാജീവ് തയ്യിൽ, പി.വി. നികേഷ്, സുനിൽ പാറയിൽ തുടങ്ങിയവരുമുണ്ടായിരുന്നു.
അബൂദബി ചേംബ൪ ഓഫ് കൊമേഴ്സ് ആൻഡ് ഇൻഡസ്ട്രി സംഘത്തിൽ ഡയറക്ട൪ ജനറൽ മുഹമ്മദ് ഹിലാൽ അൽ മുഖൈരി, ഫസ്റ്റ് വൈസ് പ്രസിഡൻറ് ഖൽഫാൻ സഈദ് അൽ കഅബി, ഉമൈ൪ മുഹമ്മദ് അൽ ദാഹിരി എന്നിവരാണുണ്ടായിരുന്നത്. കെ. വിനോദ് നാരായണന് അബൂദബി ചേംബറിൻെറ ഉപഹാരം ഉമൈ൪ മുഹമ്മദ് അൽ ദാഹിരി നൽകി.