പിണറായി ഒഞ്ചിയത്ത്; പരാതിക്കെട്ടഴിച്ച് പ്രവര്‍ത്തകര്‍

വടകര: ടി.പി. ചന്ദ്രശേഖരന്റെ കൊലപാതകത്തെ തുട൪ന്ന് നടക്കുന്ന രാഷ്ട്രീയ വിവാദങ്ങൾക്കിടെ ഇതാദ്യമായി സി.പി.എം സംസ്ഥാന സെക്രട്ടറി പിണറായി വിജയൻ ഒഞ്ചിയത്തെത്തി. ടി.പിയുടെ വധത്തെതുട൪ന്ന് ഒഞ്ചിയം ഏരിയയിൽ ആക്രമിക്കപ്പെട്ട സി.പി.എം പ്രവ൪ത്തകരെ നേരിൽ കാണാനും അവരുടെ പരാതി കേൾക്കാനുമാണ് ഒരുമാസത്തിനുശേഷം പിണറായി എത്തിയത്.
ജൂൺ രണ്ടിന് നെയ്യാറ്റിൻകര ഉപതെരഞ്ഞെടുപ്പ് ദിവസം പ്രതിപക്ഷനേതാവ് വി.എസ്. അച്യുതാനന്ദൻ ഒഞ്ചിയത്ത് എത്തിയിരുന്നെങ്കിലും ടി.പി. ചന്ദ്രശേഖരന്റെ വീട് സന്ദ൪ശിച്ച് ഭാര്യ രമയെയും കുടുംബാംഗങ്ങളെയും ആശ്വസിപ്പിച്ചശേഷം മടങ്ങിപ്പോയി. ആ൪.എം.പിക്കാരുടെ പരാതി കേട്ട അച്യുതാനന്ദൻ അക്രമത്തിനിരയായ സ്വന്തം പാ൪ട്ടിക്കാരെ കാണാൻ തയാറാകാത്തത് വാ൪ത്തയായിരുന്നു. ചൊവ്വാഴ്ച ഒഞ്ചിയത്തെത്തിയ പിണറായി വിജയൻ അക്രമത്തിനിരയായ പാ൪ട്ടി പ്രവ൪ത്തകരെ നേരിൽ കണ്ട് പരാതികൾ ഏറ്റുവാങ്ങി. രാവിലെ 10.30ഓടെ സി.പി.എം ഏരിയാ കമ്മിറ്റി ഓഫിസിൽനിന്നാണ് അദ്ദേഹം പര്യടനം ആരംഭിച്ചത്.
ഒഞ്ചിയത്തെ മുൻ പഞ്ചായത്ത് പ്രസിഡന്റ് വി. ബാലകൃഷ്ണന്റെ വീട്ടിൽ എത്തിയ പിണറായിക്കു മുന്നിൽ അക്രമത്തിന് ഇരയായവ൪ പരാതികളുടെ കെട്ടഴിച്ചു. ചന്ദ്രശേഖരന്റെ കൊലപാതകം ഞെട്ടലോടെ കേട്ട തങ്ങൾക്ക് പിന്നീട് ഇങ്ങോട്ട് അക്രമത്തിന്റെയും ഭീതിയുടെയും നാളുകളാണ് ഉണ്ടായതെന്ന് പ്രവ൪ത്തക൪ പറഞ്ഞു. കഴിഞ്ഞ ദിവസം ചന്ദ്രശേഖരന്റെ വീട്ടിലെത്തിയ വി.എസ്. അച്യുതാനന്ദൻ അക്രമത്തിനിരയായ പാ൪ട്ടിക്കാരെ സന്ദ൪ശിക്കാത്തതിലുള്ള അമ൪ഷം പലരും പിണറായിയോട് പറഞ്ഞു. പ്രതികൂല കാലാവസ്ഥ കാരണം, അക്രമത്തിനിരയായ എല്ലാ സ്ഥലങ്ങളിലും പോകുന്നതിനുപകരം നാലു കേന്ദ്രങ്ങൾ സന്ദ൪ശിച്ച് പരാതികൾ കേൾക്കുകയായിരുന്നു. ഒഞ്ചിയത്തെ സന്ദ൪ശനത്തിനുശേഷം കുന്നുമ്മക്കര, ഓ൪ക്കാട്ടേരി, മുയിപ്ര, ഓ൪ക്കാട്ടേരി മണ്ടോടി കണ്ണൻ സ്മാരകം എന്നിവിടങ്ങളിൽ പിണറായി സന്ദ൪ശിച്ചു. പലയിടങ്ങളിലും ചന്ദ്രശേഖരനുമായുള്ള ആത്മബന്ധം പങ്കുവെച്ച പ്രവ൪ത്തക൪, സി.പി.എം പ്രവ൪ത്തക൪ ആയതുകൊണ്ടുമാത്രം ആക്രമിക്കപ്പെടുന്നതായി പറഞ്ഞു.
ഏറ്റവും കൂടുതൽ അക്രമത്തിനിരയായ ഓ൪ക്കാട്ടേരി ലോക്കൽ സെക്രട്ടറി ബാലകൃഷ്ണൻ മാസ്റ്റ൪ താൻ അനുഭവിച്ച പ്രയാസങ്ങൾ പിണറായിക്ക് മുമ്പാകെ അവതരിപ്പിച്ചു.

വീടുകൾ പുന൪നി൪മിക്കും -പിണറായി

വടകര: ഒഞ്ചിയത്ത് അക്രമത്തിന് ഇരയായവരുടെ വീടുകൾ പുന൪നി൪മിക്കാൻ പാ൪ട്ടി നേതൃത്വം നൽകുമെന്ന് സി.പി.എം സംസ്ഥാന സെക്രട്ടറി പിണറായി വിജയൻ പറഞ്ഞു. ടി.പി. ചന്ദ്രശേഖരന്റെ കൊലപാതകത്തെ തുട൪ന്ന് ഒഞ്ചിയം ഏരിയയിൽ അക്രമത്തിന് ഇരയായവരുടെ പരാതി കേട്ടശേഷം മാധ്യമപ്രവ൪ത്തകരോട് സംസാരിക്കുകയായിരുന്നു അദ്ദേഹം. സാധാരണഗതിയിൽ ഇത്തരം അക്രമങ്ങൾ ഉണ്ടായാൽ അതിന്റെ ബാധ്യത സ൪ക്കാ൪ ഏറ്റെടുക്കുകയാണ് ചെയ്യുക. യു.ഡി.എഫ് സ൪ക്കാറിൽനിന്ന് അത്തരം നീക്കം കാണാനില്ല. ഈ സാഹചര്യത്തിലാണ് ഇക്കാര്യം പാ൪ട്ടി ഏറ്റെടുക്കുന്നതെന്നും പിണറായി പറഞ്ഞു.

സന്ദ൪ശനത്തിൽ ജനപങ്കാളിത്തം കുറവ്

കോഴിക്കോട്: ഒഞ്ചിയത്തെ പിണറായി വിജയന്റെ സന്ദ൪ശനത്തിൽ ജനപങ്കാളിത്തം കുറഞ്ഞു. സി.പി.എമ്മിന്റെ ജില്ലയിലെ സമുന്നത നേതാക്കൾ അകമ്പടിയായെത്തിയപ്പോൾ ഒഞ്ചിയം ഏരിയക്കുപുറത്തുനിന്നുള്ള പ്രവ൪ത്തകരാണ് ഒപ്പമുണ്ടായിരുന്നത്. എല്ലാ സന്ദ൪ശന സ്ഥലത്തും പിണറായി എത്തുന്നതിനുമുമ്പ് പ്രത്യേക വാഹനങ്ങളിൽ മഹിള അസോസിയേഷൻ പ്രവ൪ത്തക൪ എത്തി. വി.എസ്. അച്യുതാനന്ദൻ ടി.പി. ചന്ദ്രശേഖരന്റെ വീട്ടിലെത്തിയപ്പോൾ മണിക്കൂറുകൾകൊണ്ട് നൂറുകണക്കിനാളുകളാണ് എത്തിയത്.