റിയാദില്‍ പുതിയ രണ്ട് വിമാനത്താവളങ്ങള്‍ കൂടി

റിയാദ്: തലസ്ഥാന നഗരമായ റിയാദിൽ പുതുതായി രണ്ട് വിമാനത്താവങ്ങളൾ നി൪മിക്കാൻ നഗരവികസന ഉന്നതാധികാര സഭ തീരുമാനിച്ചു. റിയാദ് ഗവ൪ണറും നഗരവികസനകാര്യ ഉന്നതസഭ അധ്യക്ഷനുമായ സത്താം ബിൻ അബ്ദുൽ അസീസിൻെറ നേതൃത്വത്തിൽ നടന്ന മൂന്നാം സംയുക്ത കൂടിയാലോചനാ യോഗത്തിലാണ് വിമാനത്താവള നി൪മാണ പദ്ധതി അംഗീകരിച്ചത്. തലസ്ഥാന നഗരിയുടെ തെക്കും വടക്കും ഭാഗങ്ങളിലായി അതിനുള്ള സ്ഥലം നി൪ണയിച്ചുകഴിഞ്ഞതായി പ്രാദേശിക പത്രം റിപ്പോ൪ട്ട് ചെയ്തു. ജി.സി.സി രാജ്യങ്ങളിലെ വ്യോമഗതാഗതവുമായി നേ൪ക്കുനേരെ ബന്ധിപ്പിക്കുന്നതായിരിക്കും പുതിയ വിമാനത്താവളങ്ങൾ. കൂടാതെ വിശാലമായ റിയാദ് പ്രവിശ്യയുടെ തെക്കും വടക്കും ഭാഗങ്ങളിലുള്ള നിരവധി പട്ടണങ്ങൾക്കും ഗ്രാമങ്ങൾക്കും ഉൾനാടൻ പ്രദേശങ്ങൾക്കും ഇത് ഏറെ പ്രയോജനകരമാവുമെന്നും നഗരവികസന വകുപ്പ് പ്രതീക്ഷിക്കുന്നു. നിലവിലുള്ള കിങ് ഖാലിദ് ഇൻറ൪നാഷനൽ എയ൪പോ൪ട്ടിൻെറ അനുബന്ധമായാണ് പുതിയ രണ്ട് എയ൪പോ൪ട്ടുകളും വരുന്നത്. രാജ്യത്തിൻെറ ദ്രുതഗതിയിലുള്ള വികസനം വിമാനത്താവളത്തെ വീ൪പ്പുമുട്ടിക്കുന്ന പശ്ചാത്തലത്തിലാണ് പുതിയ വിമാനത്താവള നി൪മാണത്തിന് നഗരവികസന കാര്യാലയം തീരുമാനമെടുത്തത്.
225 കി.മീ ചുറ്റളവ് വിസ്തീ൪ണമുള്ള 1983 ൽ പ്രവ൪ത്തനമാരംഭിച്ച ലോകത്തെ വൻകിട വിമാനത്താവളങ്ങളിലൊന്നായ റിയാദിലെ കിങ്ങ് ഖാലിദ് ഇൻറ൪നാഷണൽ എയ൪പോ൪ട്ടിൽ പ്രതിവ൪ഷം 11 ദശലക്ഷം യാത്രക്കാരാണ് എത്തുന്നത്.