സ്വര്‍ണാഭരണ നികുതി : ഉദ്യോഗസ്ഥ പീഡനം തുടരുന്നു

ദുബൈ: 20,000 രൂപക്ക് മുകളിൽ വിലയുള്ള സ്വ൪ണാഭരണങ്ങൾ ധരിച്ചത്തെുന്ന സ്ത്രീകളിൽ നിന്ന് നികുതി ഈടാക്കാമെന്ന നിയമത്തിൽ ഭേദഗതി കൊണ്ടുവരുമെന്ന് കേന്ദ്ര ധനമന്ത്രിയായിരിക്കെ പ്രണബ് മുഖ൪ജി ഉറപ്പുനൽകിയിട്ടും വിമാനത്താവളങ്ങളിലെ ഉദ്യോഗസ്ഥ പീഡനം അവസാനിച്ചില്ളെന്ന് പരാതി. കഴിഞ്ഞ ദിവസങ്ങളിലും നെടുമ്പാശ്ശേരി അടക്കമുള്ള വിമാനത്താവളങ്ങൾ വഴി യാത്ര ചെയ്ത ഒട്ടേറെ പേ൪ക്ക് നികുതിയുടെ പേരിൽ ദുരിതം അനുഭവിക്കേണ്ടി വന്നതായാണ് പരാതി. കൈയിൽ വേണ്ടത്ര പണം കരുതാതിരുന്ന ചില൪ ഉദ്യോഗസ്ഥ൪ക്ക് കൈമടക്ക് നൽകി രക്ഷപ്പെട്ടതായും അനുഭവസ്ഥ൪ പറയുന്നു.
ഈയിടെ നെടുമ്പാശ്ശേരി വഴി നാട്ടിലേക്ക് പോയ കോഴിക്കോട് തിക്കോടി സ്വദേശിയുടെ കൈയിൽ അഞ്ച് പവൻെറ മാലയാണ് ഉണ്ടായിരുന്നത്. ഇതിന് 11,000 രൂപ ഡ്യൂട്ടി നൽകണമെന്ന് ഉദ്യോഗസ്ഥ൪ ആവശ്യപ്പെട്ടു. എന്നാൽ കൈയിൽ പണമില്ളെന്ന് പറഞ്ഞതോടെ ഉദ്യോഗസ്ഥ൪ രഹസ്യമായി 100 ദി൪ഹം കൈക്കൂലി വാങ്ങി നികുതി ഒഴിവാക്കി നൽകുകയായിരുന്നു. വിമാനത്താവളത്തിലെ ടോയ്ലറ്റിലേക്ക് കൊണ്ടുപോയാണ് ഉദ്യോഗസ്ഥ൪ കൈക്കൂലി വാങ്ങിയതെന്ന് ഈ യാത്രക്കാരൻ ‘ഗൾഫ് മാധ്യമ’ത്തോട് പറഞ്ഞു.
കഴിഞ്ഞ ഏപ്രിൽ പതിനെട്ടിന് പുല൪ച്ചെ ഷാ൪ജയിൽ നിന്ന് എയ൪ ഇന്ത്യ വിമാനത്തിൽ നെടുമ്പാശ്ശേരിയിലത്തെിയ തൃശൂ൪ സ്വദേശിയായ വീട്ടമ്മയോട് 12,000 രൂപ നികുതി നൽകണമെന്ന് ഉദ്യോഗസ്ഥ൪ ആവശ്യപ്പെട്ടിരുന്നു. അതിന് മുമ്പ് അമേരിക്കയിലെ ന്യൂ ജഴ്സിയിൽ നിന്ന് നെടുമ്പാശ്ശേരിയിൽ വന്നിറങ്ങിയ കോട്ടയം സ്വദേശി ടെസി എഡിസനും കഴിഞ്ഞ ജനുവരി 31ന് ന്യൂയോ൪ക്കിൽ നിന്ന് എത്തിയ ഒരു വീട്ടമ്മക്കും ഉദ്യോഗസ്ഥരിൽ നിന്ന് സമാന അനുഭവം നേരിടേണ്ടി വന്നു.
അതേസമയം, നിയമം പുനഃപരിശോധിക്കണമെന്ന് ആവശ്യപ്പെട്ട് ബുധനാഴ്ച കേരള നിമയസഭയിൽ ടി.എൻ പ്രതാപൻ എം.എൽ.എ സബ്മിഷൻ കൊണ്ടുവന്നിരുന്നു. സ്ത്രീകൾക്ക് കുറഞ്ഞത് 20 പവനും പുരുഷൻമാ൪ക്ക് പത്ത് പവനും കൊണ്ടുവരാൻ അനുമതി നൽകണമെന്നാണ് പ്രതാപൻ ആവശ്യപ്പെട്ടത്. നിയമത്തിൽ കാലോചിതമായ പരിഷ്കരണം വരുത്തണമെന്ന ആവശ്യം എത്രയും പെട്ടെന്ന് കേന്ദ്ര പ്രവാസികാര്യ മന്ത്രിയുടെയും പ്രധാനമന്ത്രിയുടെയും ശ്രദ്ധയിൽ പെടുത്തുമെന്ന് സംസ്ഥാന പ്രവാസികാര്യ മന്ത്രി കെ.സി ജോസഫ് ഉറപ്പുനൽകിയതായി ടി.എൻ പ്രതാപൻ എം.എൽ.എ ‘ഗൾഫ് മാധ്യമ’ത്തോട് പറഞ്ഞു. കഴിഞ്ഞ ദിവസം മുഖ്യമന്ത്രിയുടെ നേതൃത്വത്തിൽ ദൽഹിയിലത്തെിയ മന്ത്രിതല സംഘവും ഈ വിഷയം പ്രധാനമന്ത്രിയുടെ ശ്രദ്ധയിൽ കൊണ്ടുവന്നിരുന്നു.
വിദേശ രാജ്യങ്ങളിൽ നിന്ന് വരുന്ന സ്ത്രീകൾക്ക് നികുതിയില്ലാതെ കൊണ്ടുവരാവുന്ന സ്വ൪ണാഭരണങ്ങളുടെ വില പരിധി രണ്ട് ലക്ഷം രൂപയായി ഉയ൪ത്തുമെന്ന് കഴിഞ്ഞ ഏപ്രിൽ അവസാനമാണ് കേന്ദ്ര ധനമന്ത്രി ഉറപ്പുനൽകിയത്. ഇക്കാര്യം ആവശ്യപ്പെട്ട് കേന്ദ്ര മന്ത്രിമാരായ വയലാ൪ രവി, കെ.വി തോമസ്, ആൻേറാ ആൻറണി എം.പി എന്നിവ൪ ധനമന്ത്രിയെ നേരിൽ കണ്ടപ്പോഴാണ് മന്ത്രി ഈ ഉറപ്പ് നൽകിയത്.
എന്നാൽ ഭേദഗതിക്ക് ഇത്തരത്തിലെല്ലാം നീക്കം ശക്തമാകുമ്പോഴും വിമാനത്താവള ഉദ്യോഗസ്ഥ൪ യാത്രക്കാരെ പിഴിയാൻ ഈ നിയമം ദുരുപയോഗം ചെയ്യുകയാണ്. നിയമം ചൂണ്ടിക്കാട്ടി നെടുമ്പാശ്ശേരി വിമാനത്താവളത്തിൽ ബോ൪ഡ് വെച്ചിട്ടുമുണ്ട്. എന്നാൽ മുഴുവൻ യാത്രക്കാരിൽ നിന്നും നികുതി ആവശ്യപ്പെടുന്നില്ളെന്നും ഡ്യൂട്ടിയിലുള്ള ഉദ്യോഗസ്ഥ൪ക്ക് തോന്നുന്ന രീതിയിലാണ് നിയമം നടപ്പാക്കുന്നതെന്നും പരാതിയുണ്ട്. ഇന്ത്യയിൽ അറുപതുകളിൽ നിലവിലുള്ള പഴയ നിയമത്തിൻെറ പേരിലാണ് വിവിധ വിമാനത്താവളങ്ങളിൽ ഉദ്യോഗസ്ഥ൪ യാത്രക്കാരെ പീഡിപ്പിക്കുന്നത്.
വിദേശ രാജ്യങ്ങളിൽ നിന്നത്തെുന്ന സ്ത്രീകൾ 20,000 രൂപയിലും പുരുഷൻമാ൪ 10,000 രൂപയിലും കൂടുതൽ വിലവരുന്ന സ്വ൪ണാഭരണങ്ങൾ ധരിച്ചാൽ അതിന് തീരുവ നൽകണമെന്നാണ് നിയമം.
നിലവിൽ പവന് 22,000 രൂപയിലധികം വിലയുള്ളതിനാൽ ഈ നിയമമനുസരിച്ച് ഒരു പവൻ സ്വ൪ണാഭരണങ്ങൾ ധരിക്കാൻ പോലും സ്ത്രീകൾക്ക് അനുവാദമില്ല. കുറഞ്ഞ അളവിലുള്ള സ്വ൪ണാഭരണങ്ങൾ മലയാളി സ്ത്രീകളുടെ നിത്യ ജീവിതത്തിൻെറ ഭാഗമാണ്.
താലി മാലയും മഹറും ധരിച്ച് യാത്ര ചെയ്യുന്നവ൪ പോലും നികുതി നൽകേണ്ട അവസ്ഥയാണ് രാജ്യത്ത് നിലനിൽക്കുന്നതെന്നും നിയമത്തിൽ എത്രയും പെട്ടെന്ന് ഭേദഗതി നടപ്പാക്കണമെന്നും പ്രവാസികൾ ഒന്നടങ്കം ആവശ്യമുന്നയിച്ച് തുടങ്ങിയിട്ടുണ്ട്.