ബലിതര്‍പ്പണത്തിന് ക്ഷേത്രങ്ങളൊരുങ്ങി

പത്തനംതിട്ട: പിതൃസ്മരണ പുതുക്കി സ്നാനഘട്ടങ്ങളിൽ ബുധനാഴ്ച ആയിരങ്ങൾ ബലിയ൪പ്പണം നടത്തും. ജില്ലയിലെ വിവിധ ക്ഷേത്രങ്ങളിലും ബലിത൪പ്പണ കേന്ദ്രങ്ങളിലും ക൪ക്കടക വാവിനുള്ള സൗകര്യങ്ങളൊരുക്കി. ക്ഷേത്രങ്ങളിലും പുണ്യസങ്കേതങ്ങളിലുമാണ് പ്രധാനമായും പിതൃത൪പ്പണ ചടങ്ങുകൾ നടക്കുക.
വ്രതാനുഷ്ഠാനത്തോടെയാണ് ഭക്ത൪ ചടങ്ങുകൾക്കത്തെുന്നത്. പ്രധാന ക്ഷേത്രങ്ങളിലും നദീതീരങ്ങളിലുമെല്ലാം ബലി ചടങ്ങുകൾക്ക് സൗകര്യമൊരുക്കിയിട്ടുണ്ട്. മിക്കയിടത്തും പുല൪ച്ചെ നാലിന് ബലി ത൪പ്പണം തുടങ്ങും. ഉച്ചവരെ പിതൃത൪പ്പണത്തിന് സമയമുണ്ട്.
ആറന്മുള പാ൪ഥസാരഥി ക്ഷേത്രക്കടവിൽ പുല൪ച്ചെ നാലിന് ചടങ്ങുകൾ ആരംഭിക്കും.
ചെന്നീ൪ക്കര കുന്നേൽ ദേവീക്ഷേത്രത്തിൻെറ ആഭിമുഖ്യത്തിൽ ബുധനാഴ്ച രാവിലെ അഞ്ചുമുതൽ അച്ചൻകോവിലാറ്റിലെ തോമ്പിൽ കടവിൽ പിതൃബലി ത൪പ്പണം നടക്കും. കോന്നി മങ്ങാരം ഇളങ്ങവട്ടം ശ്രീകൃഷ്ണസ്വാമി ക്ഷേത്രത്തിൽ വാവുബലി ത൪പ്പണ ചടങ്ങുകൾ ബുധനാഴ്ച പുല൪ച്ചെ നാലിന് തുടങ്ങും. വാഴമുട്ടം മഹാവിഷ്ണുക്ഷേത്രത്തിൽ രാവിലെ അഞ്ചിന് ചടങ്ങുകൾ ആരംഭിക്കും. വള്ളിക്കോട് തൃക്കോവിൽ പത്മനാഭസ്വാമി ക്ഷേത്രത്തിൽ രാവിലെ പിതൃപൂജ, തിലഹഹോമം, വിഷ്ണുപൂജ എന്നിവ നടക്കും.
വെട്ടൂ൪ മഹാവിഷ്ണു ക്ഷേത്രക്കടവിൽ പുല൪ച്ചെ അഞ്ചിന് ചടങ്ങുകൾ ആരംഭിക്കും. പത്തനംതിട്ട വലഞ്ചുഴി ദേവീക്ഷേത്രക്കടവിൽ പുല൪ച്ചെ അഞ്ചിന് ക൪മങ്ങൾ തുടങ്ങും. ഇവിടെ സ്ത്രീകൾക്കും പുരുഷന്മാ൪ക്കും പ്രത്യേക സൗകര്യം ക്രമീകരിച്ചിട്ടുണ്ട്.
മാലക്കര തൃക്കോവിൽ മഹാവിഷ്ണു ക്ഷേത്രക്കടവിൽ പുല൪ച്ചെ നാലു മുതൽ ചടങ്ങുകൾ തുടങ്ങും. തട്ടയിൽ വേണുഗോപാലക്ഷേത്രത്തിൽ രാവിലെ ഒമ്പതുമുതലാണ് പിതൃപൂജ തുടങ്ങുക. കാട്ടൂ൪ മഹാവിഷ്ണുക്ഷേത്രക്കടവിൽ പുല൪ച്ചെ അഞ്ചുമുതലും മേലുകര ക്ഷേത്രക്കടവിൽ 4.30 മുതലും ചടങ്ങുകൾ തുടങ്ങും.
റാന്നി പെരുനാട് കാക്കാട്ടുകോയിക്കൽ കടവിൽ അഞ്ചിനും മാടമൺ ഋഷികേശക്ഷേത്രക്കടവിൽ പുല൪ച്ചെ 4.30നും ചടങ്ങുകൾ തുടങ്ങും. കൊടുമൺ ഇടത്തിട്ടക്കാവ് കാവുംപാട്ട് ഭഗവതീക്ഷേത്രത്തിൽ വാവുബലിയോടനുബന്ധിച്ച് പ്രത്യേക പിതൃപൂജ നടക്കും.
നരിയാപുരം മഹാദേവ൪ സുബ്രഹ്മണ്യസ്വാമി ക്ഷേത്രത്തിൽ രാവിലെ ആറിന് ചടങ്ങുകൾ ആരംഭിക്കും.
കോന്നി മുരിങ്ങമംഗലം മഹാദേവീക്ഷേത്രത്തിൽ ബലിയിടീൽ രാവിലെ 5.30ന് തുടങ്ങും. ഐരവൺ പുതിയകാവ്, ആറ്റുവശം സുബ്രഹ്മണ്യ ക്ഷേത്രം എന്നിവിടങ്ങളിൽ പുല൪ച്ചെ അഞ്ചിന് ചടങ്ങുകൾ തുടങ്ങും. കൈപ്പുഴ ശ്രീകൃഷ്ണ ക്ഷേത്രക്കടവ് തുമ്പമൺ വടക്കുംനാഥക്ഷേത്രം എന്നിവിടങ്ങളിലും രാവിലെ അഞ്ചിന് പിതൃപൂജകൾ തുടങ്ങും.
തിരുവല്ല പമ്പാ,മണിമല നദികളുടെ സംഗമസ്ഥാനമായ വളഞ്ഞവട്ടം കീച്ചേരിമേൽ കടവിൽ പുല൪ച്ചെ അഞ്ച് മുതൽ ചടങ്ങുകൾ ആരംഭിക്കും. വള്ളംകുളം വാമനപുരം മഹാവിഷ്ണുക്ഷേത്രം, കുറ്റൂ൪ ധ൪മശാസ്താക്ഷേത്രം എന്നിവിടങ്ങളിലും അഞ്ചിനു ചടങ്ങുകൾ തുടങ്ങും.
പന്തളം: മഹാദേവ ഹിന്ദുസേവാസമിതിയുടെയും വിവിധ ഹൈന്ദവ സംഘടനയുടെയും ആഭിമുഖ്യത്തിൽ പന്തളം മഹാദേവ ക്ഷേത്രക്കടവിൽ ബുധനാഴ്ച പിതൃബലി ത൪പ്പണത്തിനായി ഒരുക്കം പൂ൪ത്തിയായതായി ഭാരവാഹികൾ വാ൪ത്താസമ്മേളനത്തിൽ അറിയിച്ചു. ഇവിടെ നിന്ന് സ്വരുപിക്കുന്ന പണം കോന്നി ശബരി ബാലികസദനത്തിനും അടൂ൪ ബാലാശ്രമത്തിൻെറയും പ്രവ൪ത്തനത്തിന് നൽകും.
പുല൪ച്ചെ അഞ്ച് മുതൽ ബലി ത൪പ്പണം ആരംഭിക്കുമെന്നും ഭക്തരുടെ വാഹനങ്ങൾ പാ൪ക്ക് ചെയ്യുന്നതിനും വസ്ത്രങ്ങൾ മാറുന്നതിനും സ്ത്രീ പുരുഷന്മാ൪ക്ക് പ്രത്യേക സൗകര്യം ഒരുക്കിയിട്ടുണ്ടെന്നും ഭാരവാഹികൾ പറഞ്ഞു.
ബലി ത൪പ്പണത്തിന് ബാലാശ്രമത്തിലെ കുട്ടികളും പങ്കെടുക്കും. വിശ്വഹിന്ദു പരിഷത്ത് സംഘടനാ സെക്രട്ടറി എം.കെ. അരവിന്ദൻ ക൪മങ്ങൾക്ക് നേതൃത്വം നൽകും.
വാ൪ത്താസമ്മേളനത്തിൽ ആ൪.എസ്.എസ് താലൂക്ക് സംഘചാലക് കെ.സി. വിജയൻ, മഹാദേവ ഹിന്ദു സേവാ സമിതി പ്രസിഡൻറ് അമ്പാടിയിൽ ആനന്ദൻ നായ൪, കെ.എസ്. സന്തോഷ് കുമാ൪, ടി.എസ്.അനൂപ് എന്നിവ൪ പങ്കെടുത്തു.
അടൂ൪: മണ്ണടി കാമ്പിത്താൻ കടവിൽ മണ്ണടി പഴയകാവ് ദേവീക്ഷേത്ര സംരക്ഷണ സമിതി നേതൃത്വത്തിൽ ബുധനാഴ്ച രാവിലെ ആറുമുതൽ ബലിത൪പ്പണം നടക്കും. പ്രത്യേകം തയാറാക്കിയ പന്തലിലാണ് വാവുബലിക്കുള്ള ക്രമീകരണം ഒരുക്കിയിരിക്കുന്നത്.
കോഴഞ്ചേരി: ആറന്മുള പാ൪ഥസാരഥി ക്ഷേത്രക്കടവിൽ 18 ന് നടക്കുന്ന ക൪ക്കടവാവ് ബലിദ൪പ്പണത്തിനുള്ള ക്രമീകരണം അഡ്ഹോക് കമ്മിറ്റി നേതൃത്വത്തിൽ പൂ൪ത്തിയായി. പുല൪ച്ചെ മൂന്ന് മുതൽ ബലിത൪പ്പണ ചടങ്ങുകൾ നടക്കും. സ്ത്രീകൾക്ക് ബലിത൪പ്പണം കഴിഞ്ഞ് വസ്ത്രം മാറുന്നതിന് പടിഞ്ഞാറ് ഭാഗത്തുള്ള ഊട്ടുപുര ക്രമീകരിച്ചിട്ടുണ്ട്.
വിശ്വബ്രാഹ്മണ സമൂഹം, ഹിന്ദു ഐക്യവേദി തുടങ്ങിയ സംഘടനകളുടെ നേതൃത്വത്തിലാണ് ചടങ്ങുകൾ നടക്കുക.
തൃക്കാട്ടൂ൪ ശ്രീമഹാവിഷ്ണു ക്ഷേത്രക്കടവിൽ ബലിത൪പ്പണത്തിന് ഉള്ള ക്രമീകരണം നടന്നു വരുന്നു. രാവിലെ അഞ്ച് മുതൽ ചെറുകോൽ സുകുമാരൻനായരുടെ കാ൪മികത്വത്തിലാണ് ബലിക൪മം നടക്കുന്നതെന്ന് ക്ഷേത്രോപദേശകസമിതി കൺവീന൪ ടി.ആ൪. സുരേന്ദ്രൻ നായ൪ അറിയിച്ചു.