മല്‍സ്യബന്ധന ബോട്ടിനു നേരെ വെടി; ദുബായ് പൊലീസ് കേസെടുത്തു

ദുബായ്: ദുബായിൽ മത്സ്യബന്ധന ബോട്ടിന് നേരെ അമേരിക്കൻ കപ്പലിൽ നിന്നുണ്ടായ വെടിവെയ്പ്പിൽ ദുബായ് പോലീസ് കേസെടുത്തു. സംഭവത്തിൽ ഒരു ഇന്ത്യക്കാരൻ മരിച്ചിരുന്നു. തമിഴ്‌നാട് സ്വദേശി ശേഖറാണ് മരിച്ചത്. ബോട്ടിലുണ്ടായിരുന്ന മറ്റ് മൂന്നുപേ൪ക്ക് പരിക്കേറ്റിട്ടുണ്ട്. ഇതിൽ രണ്ടു പേരുടെ നില ഗുരുതരമാണ്.
നേരത്തെ സംഭവത്തിൽ ഖേദം പ്രകടിപ്പിക്കാനോ മാപ്പ് പറയാനോ ആകില്ലെന്നായിരുന്നു അമേരിക്ക അറിയിച്ചിരുന്നത്. നടപടിക്കെതിരെ പ്രതിഷേധം ഉയ൪ന്നതിനെ തുട൪ന്നാണ് അമേരിക്ക ഖേദം പ്രകടിപ്പിച്ചത്.