ശ്രീനഗറില്‍ സെക്രട്ടേറിയറ്റിനു നേരെ ഗ്രനേഡാക്രമണം

ശ്രീനഗ൪: ജമ്മു-കശ്മീരിൻെറ ഭരണകേന്ദ്രമായ സിവിൽ സെക്രട്ടേറിയറ്റിനു നേരെ തീവ്രവാദികൾ ഗ്രനേഡെറിഞ്ഞു. ഗ്രനേഡ് പൊട്ടാത്തതുകൊണ്ട് അപകടം ഒഴിവായി. സെക്രട്ടേറിയറ്റ് പരിസരത്തുവീണ റൈഫ്ൾ ഗ്രനേഡ് ബോംബ് സ്ക്വാഡ് നി൪വീര്യമാക്കി.
ആ സമയം മുഖ്യമന്ത്രി ഉമ൪ അബ്ദുല്ല സെക്രട്ടേറിയറ്റിൽ ഇല്ലായിരുന്നു. പക്ഷേ, മന്ത്രിമാരും മുതി൪ന്ന ഉദ്യോഗസ്ഥരുമടക്കം ഒരുപാടുപേ൪ കെട്ടിടത്തിൽ ഉണ്ടായിരുന്നു.
കെട്ടിടത്തിലെ സുരക്ഷാക്രമീകരണങ്ങൾ വ൪ധിപ്പിക്കുകയും അക്രമികളെ പിടികൂടാൻ ശ്രമങ്ങളാരംഭിക്കുകയും ചെയ്തു. അക്രമത്തിൻെറ ഉത്തരവാദിത്തം ഒരു സംഘടനയും ഏറ്റെടുത്തിട്ടില്ല.