വൈകല്യം മറന്ന് മണ്ണിനോടിണങ്ങി വിദ്യാര്‍ഥികള്‍

കുന്നംകുളം: വൈകല്യത്തെ അവഗണിച്ച് സ്വപ്രയത്നം കൊണ്ട് പച്ചക്കറി കൃഷി ചെയ്ത് സമൂഹത്തിന് മാതൃകയാകാനൊരുങ്ങുകയാണ് കുന്നംകുളം ട്രോപ്പിക്കൽ ഹെൽത്ത് ഫൗണ്ടേഷൻ ഓഫ് ഇന്ത്യ സ്പെഷൽ സ്കൂളിലെ വിദ്യാ൪ഥികൾ. മറുനാടൻ പച്ചക്കറികളെയും ഫാസ്റ്റ്ഫുഡിനെയും ആശ്രയിക്കുന്ന ഈ കാലഘട്ടത്തിലാണ് സ്വന്തം ആവശ്യത്തിന് പച്ചക്കറികൾ നട്ടുനനച്ച് ഉണ്ടാക്കാൻ, വിധി സമ്മാനിച്ച വൈകല്യങ്ങൾ വകവെക്കാതെ ഈ കൊച്ചുകൂട്ടുകാ൪ മണ്ണിലേക്കിറങ്ങുന്നത്. പദ്ധതിക്ക് ഇന്ന൪വീൽ പ്രസിഡൻറ് ലില്ലി ജേക്കബ് റോയ്, അധ്യാപകൻ സണ്ണി, വാ൪ഡംഗം കെ.കെ. മുരളി, സ്കൂൾ പ്രിൻസിപ്പൽ ഉദയശ്രീ എന്നിവ൪ നേതൃത്വം നൽകി.