പണം തട്ടിപ്പുകേസില്‍ അറസ്റ്റില്‍

കൊട്ടിയം: പണം തട്ടിപ്പുകേസിൽ പൊലീസ് ലുക്കൗട്ട് നോട്ടീസ് പുറപ്പെടുവിച്ചതിനെതുട൪ന്ന് എയ൪പോ൪ട്ടിൽ പിടിയിലായ ആളെ കൊട്ടിയം പൊലീസ് അറസ്റ്റ് ചെയ്തു. ഉമയനല്ലൂ൪ ബിൻഹൗസിൽ അബ്ദുൽമനാഫ് (45) ആണ് പിടിയിലായത്. ഗൾഫിൽ ചിട്ടി നടത്തി പണം തട്ടിയെടുത്ത് കടന്നതായി ആറുപേ൪ നൽകിയ പരാതിയെതുട൪ന്നാണ് ഇയാൾക്കെതിരെ പൊലീസ് ലുക്കൗട്ട് നോട്ടീസ് പുറപ്പെടുവിച്ചത്. ഇയാളുടെ ഭാര്യ ഷെമീന നേരത്തെ അറസ്റ്റിലായിരുന്നു.