കുട്ടികളുമായി പോയ നഴ്സറി വാഹനത്തിന്‍െറ ചില്ല് തകര്‍ത്തു

പരവൂ൪: കുട്ടികളുമായി പോവുകയായിരുന്ന നഴ്സറിവാഹനത്തിൻെറ ചില്ല് അടിച്ചുതക൪ത്തു. തിങ്കളാഴ്ച വൈകുന്നേരം നാലോടെ കോങ്ങാൽ മണിയംകുളം സ്കൂളിനുസമീപത്താണ് പരവൂരിലെ ഒരു നഴ്സറിസ്കൂളിൻെറ വാഹനം ആക്രമിക്കപ്പെട്ടത്. റോഡ് ബ്ളോക്കായതിനാൽ ഹോൺ അടിച്ചതിനെതുട൪ന്നാണ് മറ്റൊരു വാഹനത്തിലുണ്ടായിരുന്നവ൪ ഇറങ്ങിവന്ന് വാഹനം തക൪ത്തത്. കുട്ടികൾ ഭയന്ന് നിലവിളിച്ചതോടെ നാട്ടുകാ൪ ഓടിയെത്തിയപ്പോഴാണ് അക്രമികൾ പിന്തിരിഞ്ഞത്. സംഭവത്തിൽ കോങ്ങാൽ ചില്ലക്കൽ സ്വദേശി മനാഫിനെ പൊലീസ് അറസ്റ്റ് ചെയ്തു. ഇതിനിടെ ചില൪ ഇടപെട്ട് സംഭവം ഒതുക്കിത്തീ൪ക്കാൻ ശ്രമംനടത്തിയെങ്കിലും മാധ്യമപ്രവ൪ത്തക൪ ഇടപെട്ടതിനെതുട൪ന്നാണ് കേസെടുത്തത്.