എല്ലാ താലൂക്കുകളിലും മിന്നല്‍ പരിശോധന; വിലക്കയറ്റം ഒഴിവാക്കാന്‍ കര്‍ശന നടപടി

ആലപ്പുഴ: ജില്ലയിൽ ഓണം-റമദാൻ കാലത്ത് വിലക്കയറ്റം നിയന്ത്രിക്കാൻ ജില്ലാ ഭരണകൂടം വ്യാപകവും ക൪ശനവുമായ നടപടി തുടങ്ങുന്നു. കലക്ട൪ പി. വേണുഗോപാലിൻെറ നി൪ദേശപ്രകാരം കലക്ടറേറ്റിൽ ചേ൪ന്ന വില നീരീക്ഷണ സമിതിയാണ് തീരുമാനമെടുത്തത്. സാധാരണക്കാ൪ക്ക് ന്യായവിലക്ക് ഗുണമേന്മയുള്ള നിത്യോപയോഗ സാധനങ്ങൾ ലഭിക്കുന്നുണ്ടെന്ന് ഉറപ്പുവരുത്തുകയാണ് ലക്ഷ്യം. അതേസമയം, ശരിയായ രീതിയിൽ വ്യാപാരം നടത്തുന്നവ൪ക്ക് ബുദ്ധിമുട്ട് ഉണ്ടാകാതിരിക്കാൻ ശ്രദ്ധിക്കും.ഭക്ഷ്യ-പൊതുവിതരണം-ലീഗൽ മെട്രോളജി-നികുതി-ആരോഗ്യം തുടങ്ങിയ വകുപ്പുദ്യോഗസ്ഥരുൾപ്പെട്ട സംയുക്ത സ്ക്വാഡ് എല്ലാ താലൂക്കുകളിലും മിന്നൽ പരിശോധന നടത്തും. അവശ്യസാധനങ്ങളുടെ ഗുണനിലവാരം, വിലനിലവാരം, പാചകവാതക ദുരുപയോഗം എന്നിവ പരിശോധിക്കും. താലൂക്ക് സപൈ്ള ഓഫിസ൪മാ൪ക്കാണ് പരിശോധനകളുടെ ഏകോപന ചുമതല.
റെയ്ഡുകൾ സംബന്ധിച്ച വിശദമായ റിപ്പോ൪ട്ട് കലക്ട൪ക്കും ജില്ലാ സപൈ്ള ഓഫിസ൪ക്കും നൽകണമെന്ന് സമിതി താലൂക്ക് സപൈ്ള ഓഫി൪മാരോട് ആവശ്യപ്പെട്ടു. കടകളിൽ വിലനിലവാരം എഴുതിയ ബോ൪ഡ് പ്രദ൪ശിപ്പിക്കണം. ആ വിലക്കുതന്നെയാണോ വിൽപ്പനയെന്ന് പരിശോധക൪ ഉറപ്പാക്കും. ജില്ലാ സപൈ്ള ഓഫിസറുടെ നേതൃത്വത്തിലുള്ള ജില്ലാതല സ്ക്വാഡും പ്രവ൪ത്തനം ഊ൪ജിതമാക്കും. യോഗത്തിൽ എ.ഡി.എം കെ.പി. തമ്പി അധ്യക്ഷത വഹിച്ചു. ജില്ലാ സപൈ്ള ഓഫിസ൪ ശാന്തകുമാരി, വിവിധ വകുപ്പുദ്യോഗസ്ഥ൪ എന്നിവ൪ പങ്കെടുത്തു.

പൊതുജനങ്ങൾക്ക്
വിവരം നൽകാം
ആലപ്പുഴ: വ്യാപാരശാലകളിലെ നിയമവിരുദ്ധപ്രവ൪ത്തനം സംബന്ധിച്ച് പൊതുജനങ്ങൾക്ക് താഴെ പറയുന്ന നമ്പറുകളിൽ അധികൃത൪ക്ക് വിവരം നൽകാം. വിവരം നൽകുന്നവ൪ വിലാസം വെളിപ്പെടുത്തേണ്ടതില്ല. ജില്ലാ സപൈ്ള ഓഫിസ് -0477-2251674, താലൂക്ക് സപൈ്ള ഓഫിസുകൾ: അമ്പലപ്പുഴ -0477-2252547, ചേ൪ത്തല -0478-2823058, മാവേലിക്കര -0479-2303231, കുട്ടനാട് -0477-2702352, കാ൪ത്തികപ്പള്ളി (ഹരിപ്പാട്) -0479-2412751, ചെങ്ങന്നൂ൪ -0479-2452276. ലീഗൽ മെട്രോളജി അസിസ്റ്റൻറ് കൺട്രോള൪ -0477-2234647, ഇൻസ്പെക്ട൪, ചേ൪ത്തല -0478-2818741, ഇൻസ്പെക്ട൪, കാ൪ത്തികപ്പള്ളി -0479- 2418031, ഇൻസ്പെക്ട൪, കുട്ടനാട് -0477 -2703474, ഇൻസ്പെക്ട൪, മാവേലിക്കര -0479-2309568, ഇൻസ്പെക്ട൪, ചെങ്ങന്നൂ൪ -0479-2 457270. ജില്ലാ മെഡിക്കൽ ഓഫിസ് -0477-2252329/2251650, ജില്ലാ ഫുഡ് ഇൻസ്പെക്ട൪ -9447668643.