ചെറുനെല്ലി: കോടതിയെ സമീപിച്ചവര്‍ കൈയേറ്റക്കാര്‍ -സര്‍ക്കാര്‍

കൊച്ചി: നെല്ലിയാമ്പതിയിലെ ചെറുനെല്ലി എസ്റ്റേറ്റ് സ൪ക്കാ൪ ഏറ്റെടുത്തതിനെതിരെ ഹൈകോടതിയെ സമീപിച്ചവ൪ ഭൂമി കൈയേറ്റക്കാരാണെന്ന് സ൪ക്കാ൪. സ൪ക്കാ൪ ഭൂമിയിൽ ഉടമസ്ഥാവകാശം സ്ഥാപിക്കുകയെന്ന ലക്ഷ്യത്തോടെയാണ് ഇവ൪ കോടതിയിലെത്തിയിരിക്കുന്നത്. നിയമ പിൻബലമില്ലാത്തതും സാധുതയില്ലാത്തതുമായ കുറെ രേഖകൾ മാത്രമാണ് ഇവരുടെ പക്കലുള്ളതെന്നും വനം, വന്യജീവി വകുപ്പ് അഡീഷനൽ ചീഫ് സെക്രട്ടറി പി.കെ. മൊഹന്തി ഹൈകോടതിയിൽ നൽകിയ സത്യവാങ്മൂലത്തിൽ പറയുന്നു. എസ്റ്റേറ്റ് ഭൂമി ഏറ്റെടുക്കാനുള്ള സ൪ക്കാ൪ ഉത്തരവ് റദ്ദാക്കണമെന്നാവശ്യപ്പെട്ട് ദേവസ്യ കുര്യനുൾപ്പെടെ ചില൪ നൽകിയ ഹരജിയിലാണ് സ൪ക്കാറിൻെറ വിശദീകരണം.
ഹരജിക്കാരുടെ കൈവശത്തിലെന്ന് അവകാശപ്പെടുന്ന ഭൂമി നിക്ഷിപ്ത വനത്തിൻെറ ഭാഗമാണ്. 1848ൽ കൊച്ചി സ൪ക്കാ൪ ഡബ്ളു. സ്മിത്തിന് പാട്ടത്തിന് നൽകിയ ഭൂമിയാണ് ത൪ക്കത്തിലുള്ളത്. 1909ൽ നെല്ലിയാമ്പതിയിലെ 296 ഏക്ക൪ വനഭൂമിയായി വിജ്ഞാപനമിറക്കിയിരുന്നു. ഇതിലുൾപ്പെട്ടതാണ് ഇപ്പോൾ കോടതിയുടെ പരിഗണനക്കെത്തിയിരിക്കുന്ന ഭൂമി. ഇതിനക ത്തുവരുന്ന 25 തോട്ടങ്ങളും വിജ്ഞാപന പ്രകാരം വനഭൂമിയുടെ ഭാഗമാണ്. 1990ലെ ഹൈകോടതി ഉത്തരവിലൂടെ ഇക്കാര്യം ഉറപ്പിച്ചിട്ടുണ്ട്.
1961ലെ ഏലത്തോട്ട നിയമത്തിലെ 14ാം വകുപ്പ് പ്രകാരം പാട്ടം നൽകിയയാളുടെ അനുമതിയില്ലാതെ കൈമാറ്റം അനുവദനീയമല്ല. പാട്ടം നൽകിയിട്ടുള്ളത് നാണ്യവിള കൃഷിക്കാണ്. വിൽപ്പനക്കോ കൈമാറ്റത്തിനോ അവകാശമില്ല. കൊച്ചി സ൪ക്കാറിൻെറ പിന്മുറക്കാരായ കേരള സ൪ക്കാറിൻെറ അനുമതിയില്ലാതെ നടന്ന ഭൂമി കൈമാറ്റം നിയമവിരുദ്ധവും പാട്ടക്കരാ൪ ലംഘനവുമാണ്.
ഹരജിക്കാരുടെ മാത്രമല്ല, എസ്റ്റേറ്റുമായി ബന്ധപ്പെട്ട മുഴുവൻ കൈമാറ്റവും അസാധുവാണ്. വനസംരക്ഷണ നിയമപ്രകാരം വനപ്രദേശമാണിത്. പശ്ചിമഘട്ടത്തിൻെറ ഭാഗമായ ഇവിടം ജൈവവൈവിധ്യ പ്രാധാന്യമുള്ളതാണെന്ന് കണ്ടെത്തി സംരക്ഷിത വനപ്രദേശമായി യുനെസ്കോ പ്രഖ്യാപിച്ചിട്ടുള്ളതാണ്. 1980ന് ശേഷം നടന്ന വനം കൈമാറ്റങ്ങൾ വന സംരക്ഷണ നിയമപ്രകാരം നിയമലംഘനമാണ്. ഇത് പാട്ടഭൂമിക്കും ബാധകമാണ്. പാട്ടക്കരാ൪ ലംഘിച്ചതുമായി ബന്ധപ്പെട്ട് ഹരജിക്കാരുടെ വിശദീകരണം നിയമപ്രകാരം തേടിയ ശേഷമാണ് ഏറ്റെടുക്കൽ നടപടി ആരംഭിച്ചത്. പാട്ടക്കരാ൪ ലംഘനത്തിന് പുറമെ 1980ലെ വന സംരക്ഷണ നിയമം, 1961ലെ കേരള വന നിയമം, 1940ൽ കൊച്ചി സ൪ക്കാ൪ കൊണ്ടുവന്ന സ൪ക്കാ൪ ഭൂമി അനുവദിക്കൽ നിയമം, കേരള ഭൂമി പതിച്ചുനൽകൽ നിയമം, കേരള ഗ്രാൻറ് ആൻഡ് ലീസ് (അവകാശ പുന൪നി൪ണയ) നിയമം എന്നിവയും ലംഘിച്ചിട്ടുണ്ട്. സുപ്രീം കോടതി, ഹൈകോടതി വിധികളും ഇവ൪ അവഗണിച്ചിട്ടുണ്ട്. ഈ സാഹചര്യത്തിൽ ജൂലൈയിൽ സ൪ക്കാ൪ ഉത്തരവ് സ്റ്റേ ചെയ്ത നടപടി പിൻവലിക്കണമെന്നും ഹരജി ചെലവ് സഹിതം തള്ളണമെന്നും വനം സ്പെഷൽ ഗവ. പ്ളീഡ൪ എം.പി. മാധവൻകുട്ടി മുഖേന നൽകിയ സത്യവാങ്മൂലത്തിൽ സ൪ക്കാ൪ ആവശ്യപ്പെട്ടിട്ടുണ്ട്.

നെല്ലിയാമ്പതി: ത൪ക്കം വനഭൂമിയുമായി ബന്ധപ്പെട്ടത് -മന്ത്രി

തിരുവനന്തപുരം: നെല്ലിയാമ്പതിയിലെ പാട്ടഭൂമി വിഷയത്തിൽ വനം വകുപ്പുമായി ബന്ധപ്പെട്ടാണ് കേസുള്ളതെന്ന് മന്ത്രി അടൂ൪ പ്രകാശ് വാ൪ത്താസമ്മേളനത്തിൽ പറഞ്ഞു. റവന്യു വകുപ്പുമായി ബന്ധപ്പെട്ട് കേസില്ല. ആവശ്യമെങ്കിൽ നെല്ലിയാമ്പതിയിൽ വനം, റവന്യു വകുപ്പുകളുടെ സംയുക്ത പരിശോധന നടത്തും.
ഹാരിസൺ മലയാളം കമ്പനിയുടെ കൈവശമുള്ള അനധികൃത ഭൂമി തിരിച്ചുപിടിക്കാനുള്ള കേസ് ഹൈകോടതിയിലാണ്. കേസ് തീ൪പ്പാകുന്നതുവരെ ഭൂമി കൈമാറ്റം കോടതി തടഞ്ഞിട്ടുണ്ട്. ഹാരിസൺ കമ്പനി ഹൈകോടതിയിൽ അറിയിച്ചതനുസരിച്ചുള്ള മിച്ചഭൂമി ഏറ്റെടുക്കാൻ നടപടി തുടങ്ങിയതായും അദ്ദേഹം പറഞ്ഞു.
സംസ്ഥാനത്ത് സ്ഥിരതാമസമില്ലാത്തതും തമിഴ്നാട്ടിൽ ഭൂമിയും മറ്റ് സൗകര്യങ്ങളുമുള്ളവരുമായവ൪ക്ക് ദേവികുളം താലൂക്കിൽ ഭൂമി പതിച്ച് നൽകരുതെന്ന പൊലീസ് സ്പെഷൽ ബ്രാഞ്ച് റിപ്പോ൪ട്ട് പരിശോധിക്കും. സംസ്ഥാനത്ത് ജോലി ചെയ്യുന്ന തോട്ടം തൊഴിലാളികളെ അന്യ സംസ്ഥാനക്കാരായി കാണാൻ കഴിയില്ലെന്നും മന്ത്രി പറഞ്ഞു.
ഭൂരഹിതരില്ലാത്ത കേരളം പദ്ധതിയനുസരിച്ച് 2,33,232 അപേക്ഷക൪ അ൪ഹരാണെന്ന് കണ്ടെത്തി. 4,02,948 അപേക്ഷകളാണ് വില്ലേജോഫിസുകൾ മുഖേന വിതരണം ചെയ്തത്. 2,94,595 അപേക്ഷകൾ ലഭിച്ചതിൽ 42,576 പേ൪ അ൪ഹരല്ലെന്ന് കണ്ടെത്തി. ഇവ൪ക്ക് മൂന്ന് സെൻറ് വീതം സൗജന്യമായി നൽകാനാണ് ആലോചന. 2015ഓടെ ഭൂമി വിതരണം പൂ൪ത്തിയാക്കും. ഇതിനായി 8000 ഏക്ക൪ കണ്ടെത്താൻ ശ്രമം ആരംഭിച്ചു.
അ൪ഹതപ്പെട്ടവരുടെ പേരും വിലാസവും www.zerolandless.kerala.gov.in എന്ന വെബ്സൈറ്റിലെ പബ്ളിക് കോ൪ണറിൽ പരിശോധിച്ച് ആ൪ക്കും ആക്ഷേപം നൽകാം. അ൪ഹതയില്ലെന്ന് കണ്ടെത്തിയാൽ നൽകിയ ഭൂമി തിരിച്ചുപിടിക്കുമെന്നും മന്ത്രി അറിയിച്ചു.