റോഡിലെ കുഴികള്‍ ഭീഷണിയാകുന്നു

തൊടുപുഴ: പാലാ റോഡിൽ തൊടുപുഴ മുനിസിപ്പൽ ബസ് സ്റ്റാൻഡിന് സമീപം രൂപംകൊണ്ട ഗ൪ത്തങ്ങൾ അപകട ഭീഷണി ഉയ൪ത്തുന്നു. നഗരമധ്യത്തിലെ ഏറ്റവും തിരക്കേറിയ റോഡിൽ ഗ൪ത്തങ്ങൾ രൂപപ്പെട്ടിട്ട് ദിവസങ്ങൾ കഴിഞ്ഞെങ്കിലും നന്നാക്കാൻ നടപടി ഉണ്ടായിട്ടില്ല.
ഐ.എം.എ റോഡിൽ നിന്ന് പ്രധാന റോഡിലേക്ക് കയറുന്നിടത്താണ് കുഴികൾ. കുഴിയിൽ ചാടാതിരിക്കാൻ വാഹനങ്ങൾ വേഗത കുറക്കുന്നതുമൂലം ഇവിടെ ഗതാഗതക്കുരുക്കും ഉണ്ടാകുന്നു. കുഴികളിൽ കെട്ടിക്കിടക്കുന്ന വെള്ളം വാഹനം പോകുമ്പോൾ യാത്രക്കാരുടെ മേൽ തെറിച്ചുവീഴുന്നതും പതിവാണ്.