പാസ്പോര്‍ട്ട് നഷ്ടപ്പെട്ടു; പ്രവാസിയുടെ യാത്ര മുടങ്ങി

കല്ലമ്പലം: അവധി കഴിഞ്ഞ് സൗദിയിലേക്ക് മടങ്ങവെ എയ൪പോ൪ട്ടിലേക്കുള്ള യാത്രാമധ്യേ പാസ്പോ൪ട്ടും എയ൪ടിക്കറ്റും നഷ്ടമായതിനാൽ പ്രവാസിയുടെ യാത്ര മുടങ്ങി. നാവായിക്കുളം ഹംസാമുക്ക് ചരുവിള മേലെവീട്ടിൽ ജലീലിൻെറ യാത്രയാണ് മുടങ്ങിയത്.
യാത്രക്കിടയിൽ കണിയാപുരം കെ.എസ്.ആ൪.ടി.സി ഡിപ്പോയിലെ ടോയ്ലെറ്റിൽ കയറവെ യാത്രാരേഖകൾ അവിടെവെച്ച് മറക്കുകയായിരുന്നു. എയ൪പോ൪ട്ടിൽ പ്രവേശിക്കാനുള്ള പരിശോധനാസമയമാണ് രേഖകൾ നഷ്ടപ്പെട്ട വിവരം ജലീൽ മനസ്സിലാക്കിയത്. ഉടൻ തിരിച്ചുവന്ന് ടോയ്ലെറ്റിൽ പരിശോധിച്ചെങ്കിലും കണ്ടെത്തിയില്ല.