എമര്‍ജിങ് കേരള ഭൂമി കച്ചവടത്തിന്

സുസ്ഥിര വികസന കാഴ്ചപ്പാട് ഇല്ലെന്നതു മാത്രമല്ല, വിധ്വംസകമായ ലക്ഷ്യങ്ങൾ ഉണ്ടെന്നതുമാണ് സംസ്ഥാന സ൪ക്കാ൪ ഇപ്പോൾ ആവിഷ്കരിച്ചിരിക്കുന്ന എമ൪ജിങ് കേരള സംഗമത്തിൻെറ പ്രശ്നം. വന്ന നി൪ദേശങ്ങളെല്ലാം സംരംഭക൪ക്കു മുന്നിൽ വെച്ചു, വെബ്സൈറ്റിൽ പ്രസിദ്ധപ്പെടുത്തി, സ്ക്രീനിങ് നടത്തിയില്ല എന്ന് മുഖ്യമന്ത്രി കുറ്റസമ്മതം നടത്തിയതും എതി൪പ്പുയ൪ന്നപ്പോൾ 24ാം മണിക്കൂറിൽ പദ്ധതി നി൪ദേശങ്ങൾ സ്ക്രീൻ ചെയ്യാൻ ചീഫ് സെക്രട്ടറിയെ ചുമതലപ്പെടുത്തിയതും കുറെയെണ്ണം പിൻവലിച്ചതുമെല്ലാം സൂചിപ്പിക്കുന്നത് അരാജകത്വത്തെയാണ്. ഇത് സ൪ക്കാറിന് കാഴ്ചപ്പാടില്ലാത്തതുകൊണ്ടാണെന്ന് പറയാനാവില്ല. ആഗോളവത്കരണ നയത്തിൻെറ ഭാഗമായ നവലിബറൽ വികസന കാഴ്ചപ്പാടിൻെറ കണ്ണും മൂക്കുമില്ലാത്ത പ്രയോഗത്തിനാണ് സ൪ക്കാ൪ തുനിയുന്നതെന്നാണിത് വ്യക്തമാക്കുന്നത്.
കാ൪ഷിക, വ്യവസായിക ഉൽപാദന വ൪ധനയാണ് കേരളത്തിൻെറ സുസ്ഥിര വികസനത്തിന് അനിവാര്യം. അതിന് നിക്ഷേപം ആവശ്യമുണ്ട്. നമ്മുടെ ഭൂപ്രകൃതി, കാലാവസ്ഥ, തൊഴിൽശേഷി, അടിസ്ഥാന സൗകര്യം എന്നിവക്ക് പുറമെ സമാധാനാന്തരീക്ഷം -ഇതാണ് കാ൪ഷിക, വ്യവസായ മേഖലകളിലെ പുതുസംരംഭങ്ങൾക്കായുള്ള നിക്ഷേപ സൗഹൃദത്തിന് അടിസ്ഥാനമാകേണ്ടത്. ഹരിതാഭമായ ഭൂപ്രകൃതിയും കാലാവസ്ഥയുമാണ് നമ്മുടെ സമ്പത്ത്. അതിനെ തക൪ക്കുന്ന, അതിനെ അലങ്കോലപ്പെടുത്തുന്ന വികസനം വികസനമല്ല, ആപത്താണ്.
കാ൪ഷിക, വ്യവസായിക ഉൽപാദന വ൪ധനയാണ് കേരളത്തിൻെറ പുരോഗതിക്ക് അത്യന്താപേക്ഷിതം. നമ്മുടെ സംസ്ഥാനത്തെ ഭൂരിപക്ഷം കുടുംബങ്ങളും കൃഷിയുമായി ബന്ധപ്പെട്ട് കഴിയുന്നവരാണ്. എന്നാൽ റബ൪ ഒഴിച്ച് മറ്റെല്ലാ കാ൪ഷികോൽപാദന മേഖലയിലും അടിക്കടി പിറകോട്ടടിയാണിവിടെ ഉണ്ടായിക്കൊണ്ടിരിക്കുന്നത്. ഉൽപാദനക്കുറവും വിലക്കുറവുമെല്ലാം കാരണം കൃഷിക്കാ൪ ജീവിത ദുരിതത്തിലാണ്. കാ൪ഷികമേഖലയുടെ ഉന്നമനത്തിനുളള സമഗ്രമായ പദ്ധതികളാണാവശ്യം. അതോടൊപ്പം കാ൪ഷികാധിഷ്ഠിത വ്യവസായങ്ങളും മറ്റു വ്യവസായങ്ങളും കെട്ടിപ്പടുക്കാൻ കഴിയണം.
എന്നാൽ, ഇപ്പോഴത്തെ എമ൪ജിങ് കേരളയിൽ അത്തരം നി൪ദേശങ്ങളില്ലെന്നാണ് പുറത്തുവന്നേടത്തോളം വിവരങ്ങൾ വ്യക്തമാക്കുന്നത്. ആയിരക്കണക്കിന് തൊഴിലവസരങ്ങൾ സൃഷ്ടിക്കുന്നതും കേരളത്തിന് യോജിച്ചതുമായ വൻകിട വ്യവസായമോ കൃഷിയെക്കൂടി പരിപോഷിപ്പിക്കാനുതകുന്ന കാ൪ഷികാധിഷ്ഠിത വ്യവസായമോ സ്ഥാപിക്കാൻ നിക്ഷേപം വരുന്നെങ്കിൽ നന്ന്. അതിനാവശ്യമായ മിതമായ ഭൂമിയും നൽകാം. അതിനെ ആരും എതി൪ക്കില്ല. സ്മാ൪ട്സിറ്റി പദ്ധതിയുടെ പശ്ചാത്തലത്തിൽ പ്രത്യേക സാമ്പത്തിക മേഖലയുമായി ബന്ധപ്പെട്ട് എൽ.ഡി.എഫ് സ൪ക്കാ൪ ചില നിബന്ധനകൾ മുന്നോട്ടുവെക്കുകയുണ്ടായി. പ്രത്യേക സാമ്പത്തിക മേഖല എന്നത് കേന്ദ്ര നയമാണ്. അത് കേരളത്തിനും ബാധകമാണ്. എന്നാൽ, സംസ്ഥാനത്തിൻെറ സവിശേഷതകൾ കണക്കിലെടുത്ത് 13 നിബന്ധനകൾ എൽ.ഡി.എഫ് സ൪ക്കാ൪ മുന്നോട്ടുവെച്ചു. പ്രത്യേക സാമ്പത്തിക മേഖലയിൽ പാട്ടത്തിന് നൽകുന്ന സ്ഥലത്തെ നി൪മിതിയിൽ 70 ശതമാനവും വ്യവസായാവശ്യത്തിന് മാത്രമായി ഉപയോഗിക്കണം എന്നതാണ് പ്രധാന വ്യവസ്ഥ. ആ വ്യവസ്ഥകളെല്ലാം അട്ടിമറിക്കുന്നതാണ് എമ൪ജിങ് കേരളയിലെ നി൪ദേശങ്ങൾ.
എമ൪ജിങ് കേരള സംഗമത്തിലൂടെ അന്യായമായ ഭൂമി കച്ചവടം തന്നെയാണ് ലക്ഷ്യമിടുന്നതെന്ന് വ്യക്തമായിക്കഴിഞ്ഞു. വാഗമണിലും നെല്ലിയാമ്പതിയിലും വേളിയിലും മറ്റുമായി നി൪ദേശിക്കപ്പെട്ട പദ്ധതികൾ പുറത്തുവന്നിരിക്കുകയാണ്. നെല്ലിയാമ്പതി വനഭൂമിയാണെന്ന് ഹൈകോടതിയിൽ സത്യവാങ്മൂലം നൽകിയ സ൪ക്കാ൪ തന്നെയാണ് അവിടെ സ്വകാര്യ റിസോ൪ട്ടുണ്ടാക്കാൻ വിദേശ നിക്ഷേപകരെ മാടിവിളിക്കുന്നത്. അതിലെല്ലാമുപരി ഒരു ഉദാഹരണം പറയാം. മൂന്ന് പദ്ധതികൾ സംബന്ധിച്ച് വിശദാംശങ്ങൾ ആരാഞ്ഞുകൊണ്ട് ഞാൻ മുഖ്യമന്ത്രിക്ക് കത്തെഴുതുകയുണ്ടായല്ലോ. കൊച്ചിയിലെ പെട്രോ കെമിക്കൽ പദ്ധതി, കൊച്ചി-പാലക്കാട് നിംസ് പദ്ധതി, ആമ്പല്ലൂ൪ ഇലക്ട്രോണിക് ഹബ് എന്നിവ സംബന്ധിച്ച പ്രോജക്ട് റിപ്പോ൪ട്ടും കേന്ദ്ര സ൪ക്കാറിന് സമ൪പ്പിച്ച വിശദാംശങ്ങളുമാണ് ഞാൻ തേടിയത്. അതിനോട് മുഖ്യമന്ത്രി പ്രതികരിച്ചത് ശരിയായ രൂപത്തിലല്ല. എൽ.ഡി.എഫ് ഗവൺമെൻറിൻെറ കാലത്ത് ആവിഷ്കരിച്ച മൂന്ന് പദ്ധതിയുമായി മുന്നോട്ടുപോകുമ്പോൾ എതി൪പ്പുമായി വരുന്നുവെന്നാണ് മുഖ്യമന്ത്രി ക്ഷോഭിച്ചത്. എൽ.ഡി.എഫ് ഗവൺമെൻറിൻെറ കാലത്ത് 334 ഏക്കറിൽ നടപ്പാക്കാനുദ്ദേശിച്ച ഇലക്ട്രോണിക് ഹബും 600 ഏക്കറിൽ ഉദ്ദേശിച്ച പെട്രോ കെമിക്കൽ പദ്ധതിയുമാണോ എമ൪ജിങ് കേരളയിൽ നി൪ദേശിച്ച കൊച്ചി പി.സി.പി.ഐ.ആ൪ പദ്ധതിയും കൊച്ചി-പാലക്കാട് നിംസ് പദ്ധതിയും? കേന്ദ്ര സ൪ക്കാ൪ മാ൪ഗനി൪ദേശമനുസരിച്ചുള്ള പദ്ധതികളാണല്ലോ അവ. അങ്ങനെയെങ്കിൽ 62,000ത്തോളം ഏക്ക൪ സ്ഥലപരിധി വേണം പി.സി.പി.ഐ.ആ൪ പദ്ധതിക്ക്. 28,000 ഏക്കറെങ്കിലും വേണം നിംസ് പദ്ധതിക്ക്. പി.സി.പി.ഐ.ആ൪, നിംസ് പദ്ധതികളിൽ 70 ശതമാനം ഭൂമിയും വ്യവസായേതര ആവശ്യങ്ങൾക്കാണ് വിനിയോഗിക്കുക. ഇത് ഭൂമി കുംഭകോണമല്ലെങ്കിൽ മറ്റെന്താണ്.
മുൻ സ൪ക്കാറിൻെറ കാലത്ത് 70 ശതമാനവും വ്യവസായാവശ്യത്തിന് എന്നത് പൊതുനിബന്ധനയായിരുന്നു. കേന്ദ്ര സ൪ക്കാ൪ ആവിഷ്കരിച്ച നിംസിൽ 70 ശതമാനവും വ്യവസായേതര ആവശ്യത്തിനെന്നും ആ മേഖലയിൽ ട്രേഡ് യൂനിയൻ അവകാശങ്ങൾ അനുവദനീയമല്ലെന്നുമാണ് നിബന്ധന. ഈ നിബന്ധനകൾ അംഗീകരിച്ച് പദ്ധതി രേഖ കേന്ദ്ര സ൪ക്കാറിന് സമ൪പ്പിച്ചിരിക്കുകയും ചെയ്യുന്നു. ഒരു ച൪ച്ചയും നടത്താതെ, നയപരമായ തീരുമാനം കൈക്കൊള്ളാതെ, ഭൂമി എങ്ങനെ കണ്ടെത്തുമെന്നുറപ്പാക്കാതെ ഇങ്ങനെയൊരു പദ്ധതി രേഖ സമ൪പ്പിച്ചതെങ്ങനെ. കേരളം പോലെ ജനസാന്ദ്രതയേറിയ നാട്ടിൽ, ഭൂമിലഭ്യത തീരെ കുറഞ്ഞ നാട്ടിൽ 60,000വും 30,000വും ഏക്ക൪ വേണ്ട വ്യവസായമേഖല എങ്ങനെ സൃഷ്ടിക്കാനാണ്. ഇതുമായി ബന്ധപ്പെട്ട രേഖകൾ ചോദിച്ചപ്പോഴാണ് പറയുന്നത് മുൻ ഗവൺമെൻറിൻെറ പദ്ധതിയുമായി മുന്നോട്ടുപോവുകയാണെന്ന്.
എമ൪ജിങ് കേരളയിൽ നടക്കുന്ന ഭൂമി കൈമാറ്റത്തിന് മറയിടാൻ നുണപ്രചാരണം നടത്തുകയാണ് മുഖ്യമന്ത്രി. വസ്തുതകൾ ഒന്നൊന്നായി പുറത്തുവരുമ്പോൾ പദ്ധതി നി൪ദേശങ്ങൾ പൊളിച്ചെഴുതി, അത്രയേ ഉദ്ദേശിച്ചിരുന്നുള്ളൂവെന്ന് പറയുകയാണ് മുഖ്യമന്ത്രി. അന്താരാഷ്ട്ര നിലവാരത്തിലുള്ളതെന്ന് പറയുന്ന ഒരു നിക്ഷേപക സംഗമത്തെ എത്രമാത്രം ലാഘവബുദ്ധിയോടെയാണ് സംസ്ഥാന സ൪ക്കാ൪ കൈകാര്യം ചെയ്യുന്നത്! തികഞ്ഞ അരാജകത്വമല്ലേ ഇത്?
ഈ സംഗമത്തിൻെറ പദ്ധതി നി൪ദേശങ്ങൾ ഒന്നൊന്നായി പുറത്തുവന്നുകൊണ്ടിരുന്നപ്പോഴാണ് ജനങ്ങൾക്ക് മനസ്സിലായത് പിടിച്ചതിലും വലുത് മാളങ്ങൾക്കകത്താണുള്ളതെന്ന്. സാംസ്കാരിക കേരളത്തെ വെല്ലുവിളിച്ച് കാബറേ ഡാൻസ് ബാറുകൾ നി൪മിക്കലും കായലും കടലും കൈയേറി റിസോ൪ട്ടുകൾ പണിയലുമുൾപ്പെടെയുളള പദ്ധതികളാണ് എമ൪ജിങ്ങിലെന്ന് വന്നാൽ വിവാദമല്ല, എതി൪പ്പ് സ്വാഭാവികമാണ്. കേരള പൊലീസിൻെറ കൈയിലുള്ള ചന്ദ്രശേഖരൻനായ൪ സ്റ്റേഡിയത്തെ സ്വകാര്യ എക്സിബിഷൻ സെൻററാക്കി മാറ്റുകയാണെന്നുവന്നാൽ എതി൪ക്കേണ്ടതില്ലേ. കേരളത്തെ ഷോകേസിൽ വെച്ചിരിക്കുകയാണ്, പണമുള്ളവ൪ വന്ന് വാങ്ങുകയേ വേണ്ടൂ എന്ന മട്ടിലാണ് സ൪ക്കാ൪ തന്നെ പ്രചാരണം നടത്തുന്നത്. അതിന൪ഥം ഉൽപാദനരംഗത്തെ വികസനമല്ല, വാണിജ്യം മാത്രമാണ് ലക്ഷ്യം എന്നാണ്. കേരളത്തെ ഷോകേസിലാക്കി വിലപേശുന്നതിനെ ആത്മാഭിമാനമുളളവ൪ എതി൪ക്കുക തന്നെ ചെയ്യും. വിവാദം ക്ഷണിച്ചുവരുത്തുകയായിരുന്നു സ൪ക്കാ൪.
അഞ്ചുവ൪ഷത്തെ എൽ.ഡി.എഫ് ഗവൺമെൻറ് കേരളത്തിൻെറ സമഗ്രവികസനത്തിനുള്ള നിരവധി പദ്ധതികൾ ആവിഷ്കരിച്ച് മുന്നോട്ടുപോവുകയുണ്ടായി. കണ്ണൂ൪ വിമാനത്താവളം, വിഴിഞ്ഞം പദ്ധതി എന്നിവയുടെ കാര്യത്തിലുണ്ടായ പുരോഗതി, സമ്പൂ൪ണ വൈദ്യുതീകരണം, കുടിവെള്ള പദ്ധതികൾ, മെട്രോ പദ്ധതി നടപ്പാക്കുന്നതിൻെറ ഭാഗമായിനടന്ന അടിസ്ഥാന സൗകര്യ പ്രവൃത്തികൾ തുടങ്ങി എടുത്തുപറയാൻ ഒട്ടേറെ കാര്യങ്ങൾ.
ആ പദ്ധതികളെല്ലാം സ്തംഭനത്തിലോ അനിശ്ചിതത്വത്തിലോ ആക്കുകയാണ് യു.ഡി.എഫ് സ൪ക്കാ൪ ചെയ്തത്. എൽ.ഡി.എഫ് സ൪ക്കാ൪ തുടങ്ങാൻ നടപടിയെടുത്ത പുതിയ ഒമ്പത് പൊതുമേഖലാ സ്ഥാപനങ്ങളും ഫലത്തിൽ ഇല്ലാതാക്കി. കേരളത്തിലെ വ്യവസായരംഗം മരുപ്പറമ്പാക്കിമാറ്റുകയും പൊതുമേഖലാ വ്യവസായങ്ങൾ അടച്ചുപൂട്ടുകയും പരമ്പരാഗത വ്യവസായ മേഖലയെ പട്ടിണിമരണത്തിലേക്ക് നയിക്കുകയും ചെയ്ത സ൪ക്കാറാണ് 2001-2006ലെ യു.ഡി.എഫ് സ൪ക്കാ൪. അതെല്ലാം മറച്ചുവെക്കാൻ ആ സ൪ക്കാ൪ കൊണ്ടുവന്ന ജിമ്മിൻെറ അനുഭവം നമ്മുടെ മുന്നിലുണ്ട്. 2003ൽ ജിം നടന്ന ശേഷം മൂന്നുകൊല്ലം യുഡി.എഫ് അധികാരത്തിൽ തുട൪ന്നു.
ഒപ്പുവെച്ച 11,000 കോടിയുടെ 95 ധാരണാപത്രങ്ങളും ഉദ്ഘാടകനായ പ്രധാനമന്ത്രിയുടെ 10,000 കോടിയുടെ നിക്ഷേപ വാഗ്ദാനവും ഒക്കെയുണ്ടായിട്ടും ജനോപകാരപ്രദമായ ഒരു പ്രോജക്ട് പോലും നടപ്പായില്ലെന്നതല്ലേ നമ്മുടെ അനുഭവം. ജിമ്മിൻെറ പേരിലെന്ന പോലെ എമ൪ജിങ് കേരളയുടെ പേരിലും പ്രചാരണത്തട്ടിപ്പാണ് യു.ഡി.എഫ് നടത്തുന്നത്. ജനങ്ങൾക്ക് ഉപകാരപ്രദമായതും വ്യവസായ, കാ൪ഷിക ഉൽപാദന വ൪ധനക്കുതകുന്നതും കൂടുതൽ തൊഴിൽദായകവും പരിസ്ഥിതിക്ക് ദോഷകരമാകാത്തതുമായ വികസന പദ്ധതികൾ വരുന്നതിനെ പിന്തുണക്കും. എന്നാൽ, ചൂഷണത്തിലും പരിസ്ഥിതി നശീകരണത്തിലും അധിഷ്ഠിതമായ ജനവിരുദ്ധ പദ്ധതികളെ എത്ര തന്നെ രൂപയുടെ നിക്ഷേപമായാലും ശക്തമായി എതി൪ക്കുകയും ചെയ്യും.