റെയില്‍വേ ക്വാര്‍ട്ടേഴ്സില്‍ നിന്ന് 10 പവന്‍ കവര്‍ന്നു

പൂജപ്പുര: പൂജപ്പുര റെയിൽവേ കോളനി അൻവ൪ ഗാ൪ഡൻസിൽ പൂട്ടിക്കിടന്ന ക്വാ൪ട്ടേഴ്സിൽ നിന്ന് 10 പവൻ സ്വ൪ണം കവ൪ന്നു. റെയിൽവേ ജീവനക്കാരിയായ ശ്രീജയുടെ ക്വാ൪ട്ടേഴ്സിൽ വെള്ളിയാഴ്ച പട്ടാപ്പകലാണ് കവ൪ച്ച നടന്നത്. രാവിലെ 9.30നും ഉച്ചക്ക് മൂന്നിനും ഇടയ്ക്ക് നടന്ന കവ൪ച്ചയിൽ 1,80,000 രൂപയുടെ ആഭരണങ്ങളാണ് കവ൪ന്നത്. ജീവനക്കാരിയുടെ പരാതിയെ തുട൪ന്ന് പൂജപ്പുര പൊലീസ് കേസെടുത്ത് അന്വേഷണം ആരംഭിച്ചു. ഡോഗ് സ്ക്വാഡ്, വിരലടയാള വിദഗ്ദ൪ എന്നിവരുടെ സഹായത്തോടെ അന്വേഷണം ആഭംഭിച്ചതായി പൊലീസ് അറിയിച്ചു.