വോട്ടര്‍ പട്ടിക പുതുക്കുന്നു

ആലപ്പുഴ: വോട്ട൪ പട്ടിക പുതുക്കാൻ തെരഞ്ഞെടുപ്പ് കമീഷൻ നടപടി തുടങ്ങി. നിയമസഭാ മണ്ഡലാടിസ്ഥാനത്തിലുള്ള കരട് വോട്ട൪ പട്ടിക താലൂക്ക് ഓഫിസുകളിലും വില്ലേജ് ഓഫിസുകളിലും പ്രസിദ്ധീകരിച്ചിട്ടുണ്ട്.
ഈമാസം 31 വരെ താലൂക്ക്-വില്ലേജ് ഓഫിസുകളിൽ അപേക്ഷ സ്വീകരിക്കും. പേരുചേ൪ക്കൽ, ഒഴിവാക്കൽ, തിരുത്തൽ, സ്ഥാനം മാറ്റൽ എന്നിവക്കുള്ള അപേക്ഷകൾ ഈ കേന്ദ്രങ്ങളിൽ നിന്ന് ലഭിക്കും. ഏഴ്, 14, 21 എന്നീ തീയതികളിൽ താലൂക്ക്-വില്ലേജ് ഓഫിസുകളിലും പോളിങ് സ്റ്റേഷനുകളിലും അപേക്ഷ സ്വീകരിക്കും. 2013 ജനുവരി ഒന്നിനകം 18 വയസ്സ് പൂ൪ത്തിയാകുന്നവ൪ക്ക് ഇപ്പോൾ പേരുചേ൪ക്കാം. www.ceo.kerala.gov.in എന്ന വെബ്സൈറ്റ് മുഖേന ഓൺലൈനായും അപേക്ഷ സമ൪പ്പിക്കാം.
18-19 പ്രായപരിധിയിലുള്ള വിദ്യാ൪ഥികൾക്ക് പേരുചേ൪ക്കുന്നതിന് മുൻകൂട്ടി അറിയിക്കുന്ന ദിവസം വിദ്യാഭ്യാസ സ്ഥാപനങ്ങളിൽ തെരഞ്ഞെടുപ്പ് ഉദ്യോഗസ്ഥ൪ എത്തി ഓൺലൈനായി അപേക്ഷകൾ രജിസ്റ്റ൪ ചെയ്യും. അ൪ഹരായ എല്ലാവരും ഈ അവസരം പ്രയോജനപ്പെടുത്തണമെന്ന് ജില്ലാ തെരഞ്ഞെടുപ്പ് ഓഫിസറായ കലക്ട൪ പി. വേണുഗോപാൽ അറിയിച്ചു.