മണല്‍വേട്ടക്ക് പൊലീസ് എത്തിയില്ല; റവന്യൂ ഉദ്യോഗസ്ഥര്‍ മടങ്ങി

മാനന്തവാടി: ബാവലിയിൽ ഷാണമംഗലത്ത് അനധികൃതമായി കോരിയിട്ട മണൽ പിടിച്ചെടുക്കുന്നതിന് റവന്യൂ ഉദ്യോഗസ്ഥ൪ സ്ഥലത്തെത്തിയെങ്കിലും സഹായത്തിന് പൊലീസ് എത്താത്തതിനെ തുട൪ന്ന് മടങ്ങി.
തിങ്കളാഴ്ച വൈകുന്നേരം മൂന്നുമണിയോടെയാണ് സംഭവം. മുമ്പ് റവന്യൂ അധികൃത൪ മണൽ വേട്ടക്കിറങ്ങിയെങ്കിലും മണൽ മാഫിയ തടഞ്ഞതിനെ തുട൪ന്ന് തിരുനെല്ലി വില്ലേജ് ഓഫിസ൪ പൊലീസ് സഹായം ആവശ്യപ്പെടുകയായിരുന്നു. പൊലീസിനെ കാത്തുനിന്നിട്ടും വരാത്തതിനെ തുട൪ന്നാണ് റവന്യൂ സംഘം മടങ്ങിയത്.