പത്തില്‍ ഏഴു ആവശ്യങ്ങള്‍ അംഗീകരിച്ചു; കുടുംബശ്രീ സമരം ഒത്തുതീര്‍ന്നു

തിരുവനന്തപുരം: കുടുംബശ്രീ സംരക്ഷണവേദിയുടെ നേതൃത്വത്തിൽ സെക്രട്ടേറിയറ്റിന് മുന്നിൽ ഒരാഴ്ചയായി നടന്ന രാപകൽ സമരം അവസാനിച്ചു. വിവിധ തലങ്ങളിൽ രണ്ടുദിവസമായി നടന്ന ച൪ച്ചകൾക്കൊടുവിലാണ് സമരം ഒത്തുതീ൪പ്പായത്.
കുടുംബശ്രീ സംരക്ഷണവേദി ഉന്നയിച്ച പത്തിന ആവശ്യങ്ങളിൽ ഏഴെണ്ണത്തിൽ ധാരണയിലെത്തി. തുട൪ന്ന് സ൪ക്കാറും സമരക്കാരും വിട്ടുവീഴ്ചക്ക് ഒരുങ്ങിയോടെ പ്രശ്നപരിഹാരത്തിന് സാധ്യത തുറക്കുകയായിരുന്നു. സമരം ഒത്തുതീ൪പ്പാക്കിക്കൊണ്ടുള്ള ധാരണാപത്രത്തിൽ സ൪ക്കാറിന് വേണ്ടി മന്ത്രി എം.കെ. മുനീറും കുടുംബശ്രീ സംരക്ഷണവേദിയെ പ്രതിനിധീകരിച്ച് ചെയ൪പേഴ്സൻ പി.കെ. ശ്രീമതി, ജനറൽ കൺവീന൪ ടി.എൻ. സീമ, കെ.കെ. ഷൈലജ എന്നിവരും ഒപ്പുവെച്ചു. ഇതോടെ ഭരണസിരാകേന്ദ്രത്തിന് മുന്നിൽ ആയിരം സ്ത്രീകൾ സ്ഥിരമായും 2,500 വനിതകൾ ഓരോ ദിവസവും നടത്തിയ സമരത്തിനാണ് അവസാനമായത്.
ആ൪.കെ.വി.വൈ പദ്ധതി ഫണ്ട് ജനശ്രീക്ക് നൽകിയത് തിരിച്ചുപിടിക്കണമെന്നാവശ്യപ്പെട്ട് സി.പി.എം പി.ബി അംഗങ്ങളായ ബൃന്ദാ കാരാട്ടും എം.എ. ബേബിയും കേന്ദ്ര കൃഷി മന്ത്രി ശരത് പവാറിന് നൽകിയ പരാതിയിൽ അദ്ദേഹം എടുക്കുന്ന തീരുമാനം അംഗീകരിക്കുമെന്ന് സ൪ക്കാ൪ വ്യക്തമാക്കി. സമരസമിതിക്ക് ഇനിയും പരാതിയുണ്ടെങ്കിൽ നേരിട്ട് കേന്ദ്ര സ൪ക്കാറിന് കൊടുക്കാമെന്നും ധാരണയായി. ദേശീയ ഗ്രാമീണ ഉപജീവന മിഷൻ (എൻ.ആ൪.എൽ.എം) സംസ്ഥാനത്ത് തുട൪ന്നും കുടംബശ്രീ വഴി നടപ്പാക്കണമെന്ന പ്രധാന ആവശ്യവും സ൪ക്കാ൪ അംഗീകരിച്ചു. കേന്ദ്ര സ൪ക്കാ൪ അംഗീകരിച്ച പ്രോജക്ട് രേഖയിൽ പറയുന്നതുപോലെ കുടുംബശ്രീ മിഷൻ എൻ.ആ൪.എൽ.എമ്മിൻെറ കേരളത്തിലെ നോഡൽ ഏജൻസി ആയിരിക്കും. ഇതോടെ 1161 കോടിയുടെ പദ്ധതിയുടെ ഏക നോഡൽ ഏജൻസിയായി കുടുംബശ്രീ മാറി. 2012-’13ലെ ആദ്യ ഗഡുവായ 21.44 കോടി ഇതിനകം തന്നെ ലഭിച്ചെന്നും പദ്ധതി നി൪വഹണം ആരംഭിച്ചെന്നും മന്ത്രി അറിയിച്ചു.
ജനശ്രീ ഡയറക്ട൪ ബാലചന്ദ്രൻെറ സാമ്പത്തിക ഇടപാടുകൾ അന്വേഷിക്കണം, ജനശ്രീ മൈക്രോഫിൻ ലിമിറ്റഡിൻെറ സാമ്പത്തിക സ്രോതസ്സ് അന്വേഷിക്കണം എന്നീ ആവശ്യങ്ങളിൽ ധാരണയായില്ല. കുടുംബശ്രീയുമായി നേരിട്ട് ബന്ധമില്ലാത്ത വിഷയങ്ങളാണിവ എന്നതാണ് കാരണം. ഇവ സംബന്ധിച്ച ആക്ഷേപങ്ങൾ എൽ.ഡി.എഫ് തുട൪ന്നും ഉന്നയിക്കും.
സ൪ക്കാറും കുടുംബശ്രീ സംരക്ഷണ വേദിയും തമ്മിൽ ധാരണയായ മറ്റ് വിഷയങ്ങൾ: കുടുംബശ്രീ അയൽക്കൂട്ടങ്ങൾക്ക് ബാങ്കുകളിൽനിന്ന് അഞ്ച് - ഏഴ് ശതമാനം പലിശനിരക്കിൽ വായ്പ ലഭ്യമാക്കാൻ സ൪ക്കാ൪ തീരുമാനിച്ചത് ഉടൻ നടപ്പാക്കും. ഇത് നാല് ശതമാനമാക്കാൻ ശ്രമിക്കും. എൻ.ആ൪.എൽ.എമ്മിൻെറ പലിശ സബ്സിഡി സ്കീം ഇതുമായി ബന്ധിപ്പിക്കും.
കുടുംബശ്രീ അയൽക്കൂട്ടങ്ങൾ ഭവനശ്രീ പദ്ധതി പ്രകാരം സഹകരണ ബാങ്കിൽനിന്നെടുത്ത വായ്പാതിരിച്ചടവ് സ൪ക്കാ൪ ഏറ്റെടുത്തു. വായ്പകൾ ഭവനശ്രീ വായ്പയാണെന്ന് പരിശോധിച്ച് ഉറപ്പ് വരുത്തിയശേഷം അത് ഉടൻ നടപ്പാക്കും. ഇത് ഏകദേശം 12.16 കോടി രൂപ വരും. കുടുംബശ്രീക്ക് ആവശ്യമായ ഫണ്ട് സ൪ക്കാ൪ ലഭ്യമാക്കിയിട്ടുണ്ട്. ഇനി ആവശ്യമുണ്ടായാൽ നൽകും. കുടുംബശ്രീയിലും ജനശ്രീയിലും ഇരട്ട അംഗത്വം എടുത്ത് ഒന്നിലധികം വായ്പ എടുത്ത് ഉണ്ടാവുന്ന സാമ്പത്തിക ബാധ്യതയും കടക്കെണിയും പരിഗണിച്ച് അവ ഒഴിവാക്കാനുള്ള നടപടി സ്വീകരിക്കും. തൊഴിലുറപ്പ് പദ്ധതിയുടെ ‘മേറ്റ്’ തെരഞ്ഞെടുപ്പിൽ സ൪ക്കാ൪ അംഗീകരിച്ച മാനദണ്ഡങ്ങളിൽ എ.ഡി.എസ് അംഗത്വവും മാനദണ്ഡമായി ഉൾപ്പെടുത്തും. ഇത് പ്രകാരം പഞ്ചായത്ത് മേറ്റ് പട്ടിക തയാറാക്കി മുൻകൂട്ടി പ്രസിദ്ധീകരിക്കും. ഇതിൽ നിന്ന് 14 ദിവസത്തിലൊരിക്കൽ റൊട്ടേഷൻ അടിസ്ഥാനത്തിൽ മേറ്റിനെ നിശ്ചയിക്കും.
സ൪ക്കാ൪ നടത്തിയ ച൪ച്ചകളെ തുട൪ന്ന് ആശങ്കകൾ അകറ്റാൻ സാധിച്ചെന്നും സമരം പിൻവലിക്കുന്നുവെന്നും പി.കെ. ശ്രീമതി പറഞ്ഞു. ച൪ച്ചയിലുണ്ടായ ധാരണ സ൪ക്കാറിൻെറ തീരുമാനമാണെന്ന് മന്ത്രി എം.കെ. മുനീറും അറിയിച്ചു. എൻ.ആ൪.എൽ.എം പദ്ധതി സംബന്ധിച്ച ത൪ക്കത്തിന് വിരാമമായത് കുടുംബശ്രീ പ്രവ൪ത്തനം വിപുലീകരിക്കാൻ സഹായകമാവുമെന്ന് കുടുംബശ്രീ സംരക്ഷണ വേദി രക്ഷാധികാരി ടി.എം. തോമസ് ഐസക്കും പറഞ്ഞു. ജനശ്രീക്കും എം.എം. ഹസനും എതിരായ പ്രചാരണം തുടരുമെന്നും അദ്ദേഹം വ്യക്തമാക്കി.
ഒക്ടോബ൪ രണ്ടിന് ആരംഭിച്ച സമരം ഒത്തുതീ൪പ്പാക്കണമെന്നും അല്ലെങ്കിൽ എൽ.ഡി.എഫ് ഇടപെടുമെന്നും ചൂണ്ടിക്കാട്ടി എൽ.ഡി.എഫ് നേതൃത്വം കഴിഞ്ഞ ദിവസം മുഖ്യമന്ത്രിക്ക് കത്ത് നൽകിയിരുന്നു. തുട൪ന്ന് ഞായറാഴ്ച രാത്രി മുഖ്യമന്ത്രി ഇടതുമുന്നണി കൺവീന൪ വൈക്കം വിശ്വനെ ഫോണിൽ വിളിച്ച് ച൪ച്ചക്ക് സന്നദ്ധത അറിയിക്കുകയായിരുന്നു. തിങ്കളാഴ്ച രാത്രി മന്ത്രിമാരായ തിരുവഞ്ചൂ൪ രാധാകൃഷ്ണൻ, എം.കെ. മുനീ൪ എന്നിവരുമായി എൽ.ഡി.എഫ് നേതൃത്വം ച൪ച്ച നടത്തി. ചില വിഷയങ്ങളിൽ ധാരണയാകാതെ ച൪ച്ച പിരിഞ്ഞെങ്കിലും തോമസ് ഐസക്കും മുനീറും ചൊവ്വാഴ്ച പുല൪ച്ചവരെ നടത്തിയ അനൗദ്യോഗിക ച൪ച്ചയിലാണ് അവസാന ധാരണയുണ്ടായത്. ഇന്നലെ ഉച്ചക്ക് ഇരുപക്ഷവും വീണ്ടും ച൪ച്ച നടത്തി.
തുട൪ന്ന് കുടുംബശ്രീ സംരക്ഷണവേദി ഭാരവാഹികൾ എത്തി മുനീറുമായി അവസാന ച൪ച്ച നടത്തിയാണ് അന്തിമധാരണയിലെത്തിയത്.