നടരാജനെതിരെ വിജിലന്‍സ് അന്വേഷണം

തിരുവനന്തപുരം: പ്രതിപക്ഷനേതാവ് വി.എസ്. അച്യുതാനന്ദൻ ഉൾപ്പെട്ട ഭൂമിദാന കേസിൽ ഇടപെട്ട വിവരാവകാശ കമീഷണ൪ കെ. നടരാജനെതിരെ വിജിലൻസ് അന്വേഷണം നടത്താൻ മന്ത്രിസഭായോഗം തീരുമാനിച്ചു. ഗവ൪ണറുടെ അനുമതിയോടെയാകും അന്വേഷണം. എ.ഡി.ജി.പി ആ൪. ശ്രീലേഖക്കാണ് അന്വേഷണച്ചുമതല.നടരാജനെതിരെ അന്വേഷണമാവശ്യപ്പെട്ട് ഡിവൈ.എസ്.പി വി.ജി. കുഞ്ഞൻ നൽകിയ പരാതിയുടെ അടിസ്ഥാനത്തിൽ വിജിലൻസ് അന്വേഷണം ആരംഭിച്ചിട്ടുണ്ട്. നടരാജൻ ഉപയോഗിക്കുന്ന മൊബൈൽ ഫോൺവഴിയുള്ള സംഭാഷണങ്ങളുടെ വിശദാംശങ്ങൾ ബി.എസ്.എൻ.എല്ലിൽനിന്ന് വിജിലൻസ് ശേഖരിച്ചിട്ടുണ്ട്. ഡിവൈ.എസ്.പിയുടെ പരാതി സത്യമെന്നു തെളിഞ്ഞാൽ നടരാജനെതിരെ നടപടിയാവശ്യപ്പെട്ട് ഗവ൪ണറെ സമീപിക്കും. വിവരാവകാശ കമ്മീഷനംഗത്തെ നിയമിക്കുന്നത് ഗവ൪ണറാണ്.