ഗോവ മേളയിലേക്ക് അഞ്ച് മലയാള ചിത്രങ്ങള്‍

ന്യൂദൽഹി: അടുത്ത മാസം 20തിന് തുടങ്ങുന്ന ഗോവ അന്താരാഷ്ട്ര ചലച്ചിത്രോൽസവത്തിലെ പനോരമ വിഭാഗത്തിലേക്ക് അഞ്ചു മലയാള ചിത്രങ്ങൾ തെരഞ്ഞെടുത്തു. ടി.വി ചന്ദ്രന്റെ ഭൂമിയുടെ അവകാശികൾ,അഞ്ജലി മേനോന്റെ മഞ്ചാടിക്കുരു,കെ.ഗോപിനാഥിന്റെ ഇത്രമാത്രം,മധുപാലിന്റെ ഒഴിമുറി, ഡോ.ബിജുവിൻെറ ആകാശത്തിന്റെ നിറം എന്നീ ചിത്രങ്ങളാണ് പനോരമയിൽ ഇടം പിടിച്ചത്. പ്രശസ്ത ബംഗാളി സംവിധായകൻ ബുദ്ധദേവ് ദാസ് ഗുപ്ത അധ്യക്ഷനായ സമിതിയാണ് ചിത്രങ്ങൾ തെരഞ്ഞെടുത്തത്. ഫീച്ച൪ വിഭാഗത്തിൽ 26 ചിത്രങ്ങളും നോൺ ഫീച്ച൪ വിഭാഗത്തിൽ 21 ചിത്രങ്ങളുമാണ് ഇത്തവണ മാറ്റുരക്കുന്നത്.