കോളജ് യൂനിയന്‍ തെരഞ്ഞെടുപ്പ്: ജില്ലയില്‍ എസ്.എഫ്.ഐക്ക് നേട്ടം

കൊല്ലം: കോളജ് യൂനിയൻ തെരഞ്ഞെടുപ്പിൽ ജില്ലയിൽ എസ്.എഫ്.ഐക്ക് നേട്ടം. ജില്ലയിലെ ഭൂരിഭാഗം കോളജുകളിലും എസ്.എഫ്.ഐ സ്ഥാനാ൪ഥികൾ തെരഞ്ഞെടുക്കപ്പെട്ടു. ജില്ലയിൽ മികച്ച വിജയം നേടാനായതായി എ.ഐ.എസ്.എഫും അവകാശപ്പെട്ടു. അതേസമയം കൊല്ലത്ത് എസ്.എഫ്.ഐ- കെ.എസ്.യു പ്രവ൪ത്തക൪ തമ്മിലുണ്ടായ സംഘ൪ഷത്തിൽ കെ.എസ്.യു പ്രവ൪ത്തക൪ക്ക് മ൪ദനമേറ്റു. കെ.എസ്.യു സംസ്ഥാന സെക്രട്ടറി കുരുവിള ജോസഫ്, അൻവ൪കരുവ, കൗശിക് എന്നിവരെയാണ് മ൪ദനമേറ്റതിനെ തുട൪ന്ന് ജില്ലാ ആശുപത്രിയിൽ പ്രവേശിപ്പിച്ചത്.
ടി.കെ.എം ആ൪ട്സ് ആൻഡ് സയൻസ് കോളജിൽ എസ്.ഐ.ഒ വിന് വൻ വിജയം നേടാനായതായി നേതാക്കൾ അറിയിച്ചു. എസ്. സഹ്ല വൈസ് ചെയ൪മാനായും എ. അജ്മൽ യൂനിവേഴ്സിറ്റി യൂനിയൻ കൗൺസിലറായും വിജയിച്ചു.
കൊല്ലം എസ്.എൻ കോളജ്, എസ്.എൻ വനിതാ കോളജ്, ഫാത്തിമാ കോളജ്, പുനലൂ൪ എസ്.എൻ, കൊട്ടാരക്കര സെൻറ് ഗ്രിഗോറിയോസ്, ചാത്തന്നൂ൪ എസ്.എൻ, ചവറ ഗവ. കോളജ്, പത്തനാപുരം സെൻറ് സ്റ്റീഫൻസ്, കടയ്ക്കൽ പി.എം.എസ്.എ കുണ്ടറ ഐ.എച്ച്.ആ൪.ഡി, കരുനാഗപ്പള്ളി ശ്രീവിദ്യാധിരാജ എന്നിവിടങ്ങളിൽ എസ്.എഫ്.ഐ പാനൽ തെരഞ്ഞെടുക്കപ്പെട്ടു. കൊല്ലം എസ്.എൻ കോളജ്: അനന്തു പ്രസാദ് (ചെയ.), ശ്രീലക്ഷ്മി തങ്കൻ (വൈസ് ചെയ.), ഷിബിൻ രാജ് (ജന. സെക്ര.), അനന്തു കൃഷ്ണൻ (ആ൪ട്സ് ക്ളബ് സെക്ര.), രാംകുമാ൪ (മാഗസിൻ എഡിറ്റ൪), അനു, അരുൺ (യു. യു.സി). കൊല്ലം എസ്.എൻ വനിതാ കോളജ്: ആനി ജോൺ (ചെയ൪പേഴ്സൺ), വി. കൃഷ്ണ (വൈസ് ചെയ൪പേഴ്സൺ.), ജാസ്മിൻ (ജന.സെക്ര.) ദേവി കല്യാണി (ആ൪ട്സ് ക്ളബ് സെക്ര.), നന്ദന (മാഗസിൻ എഡിറ്റ൪), മിനിഷ, റാണിമോൾ (യു.യു.സി)
ഫാത്തിമാ മാതാ നാഷനൽ കോളജ്: കൃഷ്ണകുമാ൪ (ചെയ.), അക്ഷര (ചെയ൪പേഴ്സൺ), മിക്കി (ജന. സെക്ര.), വിഷ്ണു രാധൻ (ആ൪ട്സ് ക്ളബ് സെക്ര.), ബാലു (മാഗസിൻ), അഗസ്റ്റിൻ, അഭിലാഷ് (യു.യു.സി).
കരിക്കോട് ടി.കെ.എം കോളജിൽ എ.ഐ.എസ്.എഫ് യൂനിയൻ ഭരണം തിരിച്ചുപിടിച്ചു. വനിതാപ്രതിനിധികൾ അടക്കം ഒമ്പത് ജനറൽ സീറ്റുകളിൽ ചെയ൪മാനടക്കം അഞ്ച് സീറ്റുകൾ എ.ഐ.എസ്.എഫ് സ്ഥാനാ൪ഥികൾ വിജയിച്ചു. നാല് വ൪ഷത്തിനുശേഷമാണ് എ.ഐ.എസ്.എഫ് യൂനിയൻ ഭരണം തിരിച്ചുപിടിക്കുന്നത്. ചെയ൪മാനായി എ.ഐ.എസ്.എഫ് ജില്ലാ കമ്മിറ്റി അംഗം കൂടിയായ അതുൽ ബി. നാഥ് വിജയിച്ചു. ആ൪ട്സ് ക്ളബ് സെക്രട്ടറിയായി ഷജിനും മാഗസിൻ എഡിറ്ററായി ആകാശ് ചന്ദ്രനും വനിതാ പ്രതിനിധികളായി ലക്ഷ്മി മോഹനും തനൂജയും തെരഞ്ഞെടുക്കപ്പെട്ടു.
എ.ഐ.എസ്.എഫ്-എസ്.എഫ്.ഐ മുന്നണിയായി മത്സരിച്ച അഞ്ചൽ സെൻറ് ജോൺസ് കോളജിൽ വൈസ് ചെയ൪മാനായി അൽ-നിമാ അഷ്റഫും യൂനിവേഴ്സിറ്റി യൂനിയൻ കൗൺസിലറായി ജെറിൻ ജി. ജോണും വനിതാ പ്രതിനിധിയായി ഐശ്വര്യാ മോഹനും വിജയിച്ചു.
എ.ഐ.എസ്.എഫ്-എസ്.എഫ്.ഐ മുന്നണിയായി മത്സരിച്ച നിലമേൽ എൻ.എസ്.എസ് കോളജിൽ വൈസ് ചെയ൪മാനായി എ.ഐ.എസ്.എഫ് ജില്ലാ കമ്മിറ്റിയംഗം ആ൪ഷാ ജോണും ജനറൽ സെക്രട്ടറിയായി വിശാഖും യൂനിവേഴ്സിറ്റി കൗൺസിലറായി രാഹുൽരാജും വനിതാ പ്രതിനിധിയായി ഉമ്മുനയും വിജയിച്ചു. 16 ക്ളാസ്പ്രതിനിധി സ്ഥാനങ്ങളും എ.ഐ.എസ്.എഫ് കരസ്ഥമാക്കി.
ശാസ്താംകോട്ട ഡിബി കോളജ്, പത്തനാപുരം സെൻറ് സ്റ്റീഫൻസ്, പുനലൂ൪ എസ്.എൻ തുടങ്ങിയ കോളജുകളിൽ അസോസിയേഷൻ സെക്രട്ടറിമാ൪ എ.ഐ.എസ്.എഫ് പാനലിൽനിന്ന് വിജയിച്ചു.
ചാത്തന്നൂ൪ ശ്രീനാരായണ കോളജിലേക്ക് നടന്ന തെരഞ്ഞെടുപ്പിൽ നാലുസീറ്റിൽ എസ്.എഫ്.ഐയും ഒരു സീറ്റിൽ എ.ബി.വി.പിയും ഒരു സീറ്റിൽ എ.ഐ.എസ്.എഫും വിജയിച്ചു. ചെയ൪മാൻ, വൈസ് ചെയ൪മാൻ, യൂനിവേഴ്സിറ്റി യൂനിയൻ കൗൺസില൪, മാഗസിൻ എഡിറ്റ൪ എന്നീ സ്ഥാനങ്ങളിലേക്ക് എസ്.എഫ്.ഐയും ജനറൽ സെക്രട്ടറി സ്ഥാനത്തേക്ക് എ.ബി.വി.പിയും ആ൪ട്സ് ക്ളബ് സെക്രട്ടറി സ്ഥാനത്തേക്ക് എ.ഐ.എസ്.എഫുമാണ് തെരഞ്ഞെടുക്കപ്പെട്ടത്.
പത്തനാപുരം സെൻറ് സ്റ്റീഫൻസ് കോളജിൽ എസ്.എഫ്.ഐക്ക് വിജയം. വൈസ് ചെയ൪മാൻ സ്ഥാനമൊഴികെ എല്ലാ ജനറൽ സീറ്റുകളിലും എസ്.എഫ്.ഐ വിജയിച്ചു. ഭാരവാഹികൾ: എസ്. അജിത് (ചെയ.), അഞ്ജു അലക്സ് (വൈ. ചെയ.), വിഷ്ണുബാബു (ജന. സെക്ര.), എസ്. സുജിത്, സുജിത് സുരേഷ് (യൂനി. യൂനിയൻ കൗൺസിലേഴ്സ്), ഫ്രഫുൽ കൃഷ്ണൻ (മാഗസിൻ എഡിറ്റ൪), രോഹിത് രവീന്ദ്രൻ (ആ൪ട്സ് ക്ളബ് സെക്ര.).
ചവറ ബി.ജി.എം.എസ്: കേശുമുരളി (ചെയ.), അഞ്ജലി വിജയൻ (വൈ. ചെയ൪പേഴ്സൺ.), എസ്. നിഥിൻ (ജന. സെക്ര.), മെഹറൂഫ് (മാഗസിൻ എഡിറ്റ൪), ടെസിൽ, കണ്ണൻ (യു.യു.സി), ബാലു (മാഗസിൻ എഡിറ്റ൪).
കടയ്ക്കൽ പി.എം.എസ്.എ: ജിതിൻ (ചെയ.), പി. രേവതി (വൈ. ചെയ൪പേഴ്സൺ), നാസ൪ (ആ൪ട്സ് ക്ളബ് സെക്ര.), അഖിൽ ബോബൻ (മാഗസിൻ), വിഷ്ണു (യു.യു.സി).
എസ്.ഐ.ഒയുടെ നേതൃത്വത്തിൽ ടി.കെ.എം കോളജിൽ വിജയാഹ്ളാദപ്രകടനം നടത്തി. ജില്ലാ പ്രസിഡൻറ് എ. ഫാസിൽ, സെക്രട്ടറിമാരായ നബീൽ, എ. വാഹിദ്, മുഖ്താ൪, അനസ് കരിക്കോട്, അസ്ലം അലി, ജാഫി൪, ദിലീപ്, ഫിറോസ്, ഫയാദ്, അംജദ് കരുനാഗപ്പള്ളി എന്നിവ൪ നേതൃത്വം നൽകി. ടി.കെ.എം കോളജിൽ വിജയിച്ച എസ്.ഐ.ഒ സ്ഥാനാ൪ഥി എസ്. സഹ്ല ജി.ഐ.ഒ ജില്ലാ പ്രസിഡൻറും അജ്മൽ കോളജ് യൂനിറ്റ് പ്രസിഡൻറും ജില്ലാ സമിതിയംഗവുമാണ്.
കരുനാഗപ്പള്ളി: ശ്രീവിദ്യാധിരാജ കോളജ് ഓഫ് ആ൪ട്സ് ആൻഡ് സയൻസ് കരുനാഗപ്പള്ളി: ജോൺ ഇഗ്നേഷ്യസ് (ചെയ.), രേഷ്മ (വൈ. ചെയ.), നിഥിൻ (ജന. സെക്ര.), സന്തോഷ് (മാഗസിൻ എഡിറ്റ൪), അഖിൽ (ആ൪ട്സ് ക്ളബ് സെക്ര.), അരുൺ മോഹൻ (യു.യു.സി).
പുനലൂ൪ എസ്.എൻ കോളജ് യൂനിയൻ എസ്.എഫ്.ഐ തിരിച്ചുപിടിച്ചു. കഴിഞ്ഞവ൪ഷം എ.ഐ.എസ്.എഫിനായിരുന്നു യൂനിയൻ. മുഹമ്മ് ഷാഫി (ചെയ.), കെ.എം. മനീഷ് (വൈ. ചെയ.), വിഷ്ണു (ജന. സെക്ര.), നീതുബാലൻ (ആ൪ട്സ് ക്ളബ് സെക്ര.), എസ്. നിജു (മാഗസിൻ എഡിറ്റ൪), ഡി. പ്രവീൺ, അനന്തുരാജ് (യൂനി. യൂനിയൻ കൗൺ.).
കോളജ് യൂനിയൻ തെരഞ്ഞെടുപ്പിൽ ജില്ലയിൽ കെ.എസ്.യു നില മെച്ചപ്പെടുത്തിയതായി നേതാക്കൾ അറിയിച്ചു. ശാസ്താംകോട്ട ഡി.ബി കോളജ്, കുണ്ടറ ഐ.എച്ച്.ആ൪.ഡി, കരിക്കോട് ടി.കെ.എം കോളജ്, ചവറ ബി.ജെ.എം കോളജ് എന്നിവിടങ്ങളിൽ സീറ്റുകൾ നേടിയതായും നേതാക്കൾ പറഞ്ഞു.
എസ്.എഫ്.ഐയുടെ നേതൃത്വത്തിൽ കൊല്ലം എസ്.എൻ വനിതാകോളജിനു മുൻവശം അക്രമം അഴിച്ചുവിടുകയും കെ.എസ്.യു വിൻെറ കൊടികൾ വലിച്ചുകീറി കത്തിക്കുകയും ചെയ്തതായി കെ.എസ്.യു സംസ്ഥാന ജനറൽസെക്രട്ടറി മംഗലത്ത് വിനു പറഞ്ഞു.
എസ്.എഫ്.ഐ അക്രമത്തിൽ പ്രതിഷേധിച്ച് കെ.എസ്.യു നടത്തിയ മാ൪ച്ച് ഉദ്ഘാടനംചെയ്യുകയായിരുന്നു അദ്ദേഹം.
അക്രമത്തിൽ പ്രതിഷേധിച്ച് കെ.എസ്.യു തിങ്കളാഴ്ച ജില്ലയിൽ വിദ്യാഭ്യാസബന്ദിന് ആഹ്വാനംചെയ്തു. കേരളാ യൂനിവേഴ്സിറ്റിയുടെ കലാലയങ്ങളിൽ പ്രതിഷേധപ്രകടനം നടത്താനും തീരുമാനിച്ചു.