തട്ടിപ്പ്: കൂടുതല്‍ പേര്‍ പരാതി നല്‍കി

കട്ടപ്പന: ഓവ൪സീസ് ഗ്ളോബൽ ഗേറ്റ്സ് എന്ന സ്ഥാപനം നടത്തിയിരുന്ന കോട്ടയം പാമ്പാടി മാളിയേക്കൽപടി പുതിയപറമ്പിൽ സാം ജോ൪ജ് നടത്തിയ (39) തട്ടിപ്പുകേസിൽ അന്വേഷണം കൂടുതൽ ആളുകളിലേക്ക് നീങ്ങുന്നു.
മരിച്ചയാളുടെ പേരിൽ ബാങ്ക് അക്കൗണ്ട് തുറന്നാണ് തട്ടിപ്പ് നടത്തിയത്. നഷ്ടപ്പെട്ട 16 പേ൪ കൂടി കട്ടപ്പന പൊലീസിൽ പരാതി നൽകി. ഇതോടെ പരാതി നൽകിയവരുടെ എണ്ണം 60 ആയി. ഇത്രയും പേ൪ക്ക് ഒരുകോടി രൂപ നഷ്ടപ്പെട്ടതായി പൊലീസിൽ മൊഴി നൽകി. സ്ഥാപനത്തിൻെറ നടത്തിപ്പുമായി ബന്ധപ്പെട്ട ചിലരിലേക്ക് കൂടി അന്വേഷണം വ്യാപിപ്പിക്കുകയാണെന്ന് കട്ടപ്പന എസ്.ഐ ഇ.കെ. സോൾജിമോൻ പറഞ്ഞു.