കണ്ണൂരിലെ തീരറോഡുകളുടെ വികസനത്തിന് രണ്ട് കോടി

തിരുവനന്തപുരം: കണ്ണൂ൪ ജില്ലയിലെ തീരദേശ റോഡുകളുടെ നി൪മാണത്തിനും പുനരുദ്ധാരണ പ്രവ൪ത്തനങ്ങൾക്കുമായി രണ്ടുകോടി (204 ലക്ഷം) രൂപ അനുവദിച്ച് ഭരണാനുമതി നൽകിയതായി മന്ത്രി കെ.ബാബു അറിയിച്ചു. മുഴപ്പിലങ്ങാട് ഗ്രാമപഞ്ചായത്തിലെ മണപ്പുറമ്പള്ളി-കെട്ടിനകം റോഡ് (70 ലക്ഷം), തലശ്ശേരി മുനിസിപ്പാലിറ്റിയിലെ ഗോപാലപ്പേട്ട ബീച്ച് റോഡ് (35 ലക്ഷം), എടക്കാട് ഗ്രാമപഞ്ചായത്തിലെ അരവപ്പാലം കറുവ വായനശാല - കടലായിനട-തോട്ടയ വെസ്റ്റ് -കിഴുന്ന സൗത്ത് യു.പി.സ്കൂൾ - കിഴുന്നപ്പാറ റോഡ് (99 ലക്ഷം) എന്നീ തീരദേശ റോഡുകളുടെ വികസനത്തിനാണ് തുക അനുവദിച്ചത്.