തായ് വാനില്‍ ആശുപത്രിക്ക് തീ പിടിച്ചു; 12 മരണം

തായ്നാൻ സിറ്റി: ദക്ഷിണ തായ് വാനിൽ ആശുപത്രി കെട്ടിടത്തിന് തീപിടിച്ച് 12 രോഗികൾ മരിച്ചു. 60 തോളം പേ൪ക്ക് പരിക്കേറ്റു. തായ്നാൻ സിറ്റിയിലെ ആശുപത്രിക്കകത്തെ നഴ്സിങ് ഹോമിലാണ് തീപിടുത്തമുണ്ടായത്. 100ലേറെ രോഗികൾ ഇവിടെ ഉണ്ടായിരുന്നതായി പറയപ്പെടുന്നു. പ്രായമായവരും കിടപ്പിലായവരുമായ രോഗികളാണ് മരിച്ചവരിലേറെയും. കനത്ത പുക ശ്വസിച്ചാണ് അധികം പേരും മരിച്ചതെന്ന് ആശുപത്രി ഉദ്യോഗസ്ഥ൪ അറിയിച്ചു. പരിക്കേറ്റവരെ വിവിധ ആശുപത്രികളിലേക്കു മാറ്റി. രണ്ടാം നിലയിൽനിന്നാണ് തീ പട൪ന്നതെന്ന് പറയുന്നുണ്ടെങ്കിലും കാരണം അവ്യക്തമാണ്.