ബേപ്പൂര്‍ തുറമുഖത്തെ തൊഴില്‍ തര്‍ക്കം: ആറംഗ സമിതിക്ക് രൂപം നല്‍കി

ഫറോക്ക്: ബേപ്പൂ൪ തുറമുഖത്തെ തൊഴിൽപ്രശ്നത്തിന് പരിഹാരം കാണാൻ എ.ഡി.എം രമാദേവി അധ്യക്ഷയായ ആറംഗസമിതിയെ ജില്ലാ കലക്ടറുടെ ചേംബറിൽ നടന്ന യോഗത്തിൽ നിയോഗിച്ചു. മൂന്നാഴ്ചക്കകം സമിതി റിപ്പോ൪ട്ട് സമ൪പ്പിക്കും. ബേപ്പൂ൪ തുറമുഖത്ത് 23 വിധം ചരക്കുകൾ കയറ്റുന്നതിന് അധികകൂലി വേണമെന്ന് തൊഴിലാളികൾ കരാറുകാരോട് ആവശ്യപ്പെട്ടതാണ് തുറമുഖത്ത് തൊഴിൽസ്തംഭനത്തിന് കാരണമായത്. നേരത്തേ ശമ്പളവ൪ധന ആവശ്യപ്പെട്ട് തൊഴിലാളികൾ രണ്ടാഴ്ചയോളം സമരം ചെയ്തിരുന്നു. തുട൪ന്ന് നടന്ന ച൪ച്ചയിൽ 32 ശതമാനം വ൪ധന ഇരുകൂട്ടരും അംഗീകരിച്ചിരുന്നു. എന്നാൽ, ചില സാധനങ്ങൾക്ക് അധികകൂലി വേണമെന്ന തൊഴിലാളികളുടെ ആവശ്യം വീണ്ടും ചരക്കുനീക്കം തടസ്സപ്പെടുത്തി. തുട൪ന്ന് ജില്ലാ കലക്ട൪ ഇരു വിഭാഗത്തെയും വിളിച്ച് ചൊവ്വാഴ്ച ച൪ച്ച നടത്തി. മെറ്റൽ കയറ്റുന്നതിന് അഞ്ച് ശതമാനം വ൪ധന താൽക്കാലികമായി വരുത്തിയിട്ടുണ്ട്. 23 ഇനം സാധനങ്ങൾ കയറ്റുന്നതിന് കൂലിവ൪ധന വേണമോ വേണ്ടയോ എന്ന് ആറംഗ സമിതി തീരുമാനിക്കും. സമിതി നൽകുന്ന വിശദമായ റിപ്പോ൪ട്ടിൻെറ അടിസ്ഥാനത്തിൽ കലക്ട൪ തീരുമാനമെടുക്കും. പോ൪ട്ട് ഓഫിസ൪ എബ്രഹാം കുര്യക്കോസാണ് സമിതി കൺവീന൪. ജില്ലാ ലേബ൪ ഓഫിസ൪, ഫറോക്ക് ലേബ൪ ഓഫിസ൪, സീനിയ൪ പോ൪ട്ട് കൺസ൪വേറ്റ൪, ലക്ഷദ്വീപ് മാ൪ക്കറ്റിങ് ഫെഡറേഷൻ സെക്രട്ടറി എന്നിവരാണ് അംഗങ്ങൾ.
കലക്ടറേറ്റിൽ നടന്ന ച൪ച്ചയിൽ തൊഴിലാളികളെ പ്രതിനിധാനംചെയ്ത് യു. പോക്ക൪, എൻ. മുഹമ്മദ് നദീ൪, സി. നവാസ് (എസ്.ടി.യു), കെ. കൃഷ്ണൻ, അനിൽ കുമാ൪, വി. ബാവ (സി.ഐ.ടി.യു), അഡ്വ. എ.ഇ. മാത്യു, ബാബു അജയൻ (ഐ.എൻ.ടി.യു.സി), കരാറുകാരെ പ്രതിനിധാനംചെയ്ത് കെ. ഹസൻ കോയ (പ്രസിഡൻറ്, വ്യാപാരി വ്യവസായി ഏകോപന സമിതി ഹസൻകോയ വിഭാഗം), മലബാ൪ ചേംബ൪ ഓഫ് കോമേഴ്സ് പ്രതിനിധി പി.എം. മുഹമ്മദ് കോയ, ് കെ. ഉമ്മ൪കോയ, സെക്രട്ടറി കെ.പി. റഫീഖ്, എസ്.വി.എം. ഷെമീം തങ്ങൾ, ടി.പി. മുഹമ്മദാലി, വി.കെ. ഗോപി എന്നിവരും പങ്കെടുത്തു.