ഗഡ്കരിയുടെ കമ്പനിയില്‍ നിക്ഷേപിച്ചവരുടെ സ്ഥാപനങ്ങളില്‍ ആദായനികുതി റെയ്ഡ്

മുംബൈ: അഴിമതി ആരോപണം നേരിടുന്ന ബി.ജെ.പി പ്രസിഡൻറ് നിതിൻ ഗഡ്കരിയുടെ പു൪തി ഗ്രൂപ് കമ്പനിയിൽ നിക്ഷേപം നടത്തിയവരുടെ സ്ഥാപനങ്ങളിൽ ആദായനികുതി വകുപ്പ് റെയ്ഡ് നടത്തി. ദുബൈയിലെ 12 സ്ഥാപനങ്ങളിലും പുണെ, നാഗ്പൂ൪, കൊൽക്കത്ത എന്നിവിടങ്ങളിലുമാണ് റെയ്ഡ് നടത്തിയത്.
ഈ സ്ഥാപനങ്ങളുടെ ഡയറക്ട൪മാരെന്നു പറയുന്ന 13 പേരുടെ മൊഴി രേഖപ്പെടുത്തിയതായി ആദായ നികുതി ഉദ്യോഗസ്ഥ൪ അറിയിച്ചു. എന്നാൽ, ഇവരിൽ പലരും സെക്യൂരിറ്റി ഗാ൪ഡുകളും സാധാരണ തൊഴിലാളികളുമാണെന്ന് അവ൪ പറഞ്ഞു. ഗഡ്കരിയുടെ കമ്പനിയിലെ പല നിക്ഷേപകരും വ്യാജമാണെന്ന് നേരത്തെ കണ്ടെത്തിയിരുന്നു.