അനധികൃത മണല്‍: റെയ്ഡ് കര്‍ശനമാക്കി

കാസ൪കോട്: ജില്ലാ കലക്ടറുടെ നി൪ദേശപ്രകാരം രൂപവത്കരിച്ച സ്പെഷൽ സ്ക്വാഡ് മണൽ വേട്ട തുടരുന്നു. ഇന്നലെ ചെങ്കള ഗ്രാമപഞ്ചായത്തിൽ ബേവിഞ്ചക്ക് സമീപം കല്ലുവളയിൽ അധികൃത൪ റെയ്ഡ് നടത്തി അനധികൃത കടവ് കണ്ടെത്തി. മണൽ കടത്താനായി ഇവിടെ പുഴ കൈയറി റോഡുമുണ്ടാക്കിയിട്ടുണ്ട്. ഇന്നലെ രാവിലെ 10.30ന് സ്ക്വാഡ് അംഗങ്ങളും പൊലീസും എത്തിയപ്പോൾ മണൽ വാരുകയായിരുന്ന നാല് തോണികളിലുള്ളവ൪ രക്ഷപ്പെട്ടു. പുഴ കൈയേറി വഴിയുണ്ടാക്കിയതിന് കല്ലുവളയിലെ അബ്ദുറഹ്മാനെതിരെ ക്രിമിനൽ കേസെടുക്കാൻ എ.ഡി.എം ഉത്തരവിട്ടു.
മുമ്പ് രണ്ട് തവണ അധികൃത൪ റെയ്ഡ് നടത്തി എക്സ്കവേറ്റ൪ ഉപയോഗിച്ച് തക൪ത്ത അനധികൃത കടവാണ് ഇപ്പോൾ വീണ്ടും ‘ഉയി൪ത്തെണിറ്റത്’. ഡപ്യൂട്ടി തഹസിൽദാ൪ എ. ദാമോദരൻെറ നേതൃത്വത്തിലുള്ള സ്ക്വാഡിൽ എ. മമ്മദ്കുഞ്ഞി, എൻ.കെ. രാധാകൃഷ്ണൻ, ഉസ്മാൻ, ചെങ്കള വില്ലേജ് ഓഫിസ൪ സത്യനാരായണ, വിദ്യാനഗ൪ എസ്.ഐ ദിനേശൻ എന്നിവരുമുണ്ടായിരുന്നു. രണ്ട് ദിവസം മുമ്പ് ചളിയങ്കോട് കടവിൽ അനധികൃതമായി സൂക്ഷിച്ച 30 ലോഡ് മണൽ കണ്ടെടുത്തിരുന്നു.

അനധികൃത മണൽ വാഹനങ്ങൾ
കണ്ടാൽ വിവരമറിയിക്കാം
കാസ൪കോട്: ജില്ലയിൽ മണൽമാഫിയക്കെതിരെ നടപടി ശക്തമാക്കുന്നതിൻെറ ഭാഗമായി അനധികൃതമായി മണൽ കൊണ്ടുപോകുന്ന വാഹനങ്ങൾ ശ്രദ്ധയിൽപെട്ടാൽ പൊലീസിലോ റവന്യൂ അധികൃതരെയോ വിവരമറിയിക്കാം. വൈകീട്ട് നാലിന് ശേഷവും രാവിലെ എട്ടിന് മുമ്പും മണൽ കടത്തുന്നത് നിയമവിരുദ്ധമാണ്. ഈ സമയങ്ങളിൽ മണലുമായി പോകുന്ന വാഹനങ്ങൾ ശ്രദ്ധയിൽപെട്ടാൽ പൊതുജനങ്ങൾക്ക് പൊലീസിനെ അറിയിക്കാം.