തുവ്വൂരില്‍ വീട് കുത്തിത്തുറന്ന് ആറരപ്പവന്‍ കവര്‍ന്നു

തുവ്വൂ൪: വീട് കുത്തിത്തുറന്ന് ആറരപ്പവൻ കവ൪ന്നു. തുവ്വൂ൪ കൃഷ്ണവിലാസിലെ എം.കെ. അനിലിൻെറ വീട്ടിൽനിന്നാണ് സ്വ൪ണം കവ൪ന്നത്. വെള്ളിയാഴ്ച വൈകുന്നേരം അഞ്ചിനും രാത്രി എട്ടിനുമിടയിലാണ് സംഭവം.വീട്ടിൽ ആരുമില്ലാത്ത സമയത്താണ് കവ൪ച്ച. അനിലും ഭാര്യയും കുഞ്ഞും പുറത്ത് പോയതായിരുന്നു. മറ്റുള്ളവ൪ ബംഗളൂരുവിലാണ്. വാതിലിൻെറ പൂട്ട് പൊളിച്ചാണ് മോഷ്ടാവ് അകത്ത് കയറിയത്. അലമാരയിൽ സൂക്ഷിച്ച സ്വ൪ണാഭരണങ്ങളും ടോ൪ച്ചും കൊണ്ടുപോയി.
പാണ്ടിക്കാട് സി.ഐ എ.ജെ. ജോൺസൻെറ നേതൃത്വത്തിൽ പൊലീസ് അന്വേഷണം തുടങ്ങി. മലപ്പുറത്തുനിന്നെത്തിയ ഡോഗ് സ്ക്വാഡും വിരലടയാള വിദഗ്ധരും പരിശോധന നടത്തി.