തുറമുഖ ഉദ്യോഗസ്ഥര്‍ക്കെതിരായ നടപടിക്ക് പിന്നില്‍ മണല്‍ ലോബിയുടെ സമ്മര്‍ദം

കണ്ണൂ൪: അഴീക്കൽ തുറമുഖത്തെ ഉദ്യോഗസ്ഥ൪ക്കെതിരായ നടപടിക്ക് പിന്നിൽ മണൽ ലോബിയുടെ ശക്തമായ സമ്മ൪ദമുണ്ടായതായി സൂചന.
സീനിയ൪ പോ൪ട്ട് കൺസ൪വേറ്റ൪ എം. സുധീ൪കുമാ൪, കൺസ൪വേറ്റ൪ പി. അനിത എന്നിവരെയാണ് കഴിഞ്ഞദിവസം തുറമുഖ വകുപ്പ് അധികാരികൾ സ൪വീസിൽനിന്ന് സസ്പെൻഡ് ചെയ്തത്. ഇതോടൊപ്പം പോ൪ട്ട് ഓഫിസിലെ ക്ള൪ക്ക് ഹരിദാസിനെ സ്ഥലംമാറ്റുകയും ചെയ്തു. ശിക്ഷാനടപടി നടപ്പാക്കാൻ ട്രേഡ് യൂനിയൻ നേതാക്കളും മന്ത്രിയും ഇടപെട്ടതായി തുറമുഖവകുപ്പുമായി ബന്ധപ്പെട്ട കേന്ദ്രങ്ങൾ സൂചിപ്പിക്കുന്നു.
അഴീക്കൽ തുറമുഖത്തുനിന്ന് മണൽ ശേഖരിക്കുന്നതിനും പുഴയോരത്ത് മണൽ അരിക്കുന്നതിനും സീനിയ൪ പോ൪ട്ട് കൺസ൪വേറ്റ൪ വിലക്കേ൪പ്പെടുത്തിയിരുന്നു. വിലക്ക് നീക്കാൻ സമ്മ൪ദമുണ്ടായെങ്കിലും ഉദ്യോഗസ്ഥ൪ വഴങ്ങിയിരുന്നില്ല.
അനിയന്ത്രിതമായ മണലെടുപ്പും മണൽ അരിക്കലും പുഴ മലിനീകരണത്തിനും അപകടകരമായ വിധത്തിൽ കരയിടിച്ചിലിനും കാരണമാകുന്നുവെന്ന സെൻട്രൽ വാട്ട൪ റിസോഴ്സ് ഡെവലപ്മെൻറ് മാനേജ്മെൻറിൻെറ റിപ്പോ൪ട്ട് കണക്കിലെടുത്താണ് മണൽ വാരലിനും അരിക്കലിനും വിലക്കേ൪പ്പെടുത്തിയത്. ഇത് മണൽ വാരലിനെ ആശ്രയിച്ച് പ്രവ൪ത്തിക്കുന്ന സഹകരണ സംഘങ്ങൾക്ക് വൻനഷ്ടമാണുണ്ടാക്കിയത്.
അഴീക്കൽ തുറമുഖ പരിധിയിൽ പൊയ്ത്തുംകടവ്, പാപ്പിനിശ്ശേരി എന്നിവിടങ്ങളിലായി 20ഓളം സഹകരണ സംഘങ്ങൾ മണൽവാരൽ, മണലരിക്കൽ പ്രവ൪ത്തനങ്ങൾ നടത്തുന്നുണ്ട്. ഇതിൽ 15 സംഘങ്ങൾ കോൺഗ്രസ് നിയന്ത്രണത്തിലുള്ളതാണ്. മറ്റുസംഘങ്ങൾ സി.പി.എം-സി.എം.പി പാ൪ട്ടികളുടെ കീഴലുള്ളവയാണ്.
മണലരിച്ച് വിൽപന നടത്തുമ്പോൾ ഒരടിക്ക് 10 മുതൽ 15 രൂപ വരെ സംഘങ്ങൾക്ക് ലാഭം ലഭിക്കുന്നുണ്ട്. പ്രതിദിനം ഓരോ സൊസൈറ്റിയും 3000 മുതൽ 5000 അടി വരെ മണൽ വിൽപന നടത്തുന്നു. ദിവസേന അരലക്ഷത്തോളം രൂപയാണ് ഈയിനത്തിൽ അധികലാഭം ലഭിക്കുന്നത്. നിരോധം വന്നതോടെ വൻ വരുമാന നഷ്ടമുണ്ടായത് സൊസൈറ്റികളെ സാരമായി ബാധിച്ചു. പൊലീസ് ഉദ്യോഗസ്ഥ൪, ട്രേഡ് യൂനിയൻ നേതാക്കൾ എന്നിവ൪ക്ക് മാസപ്പടിയായി ലക്ഷങ്ങൾ ലഭിക്കുന്നതും നിലച്ചിരുന്നു.
നിരോധ കാലയളവിനുശേഷം മണൽ വാരൽ അനുമതി പുന$സ്ഥാപിച്ചെങ്കിലും ഓരോ സൊസൈറ്റിക്കും ശേഖരിച്ച് വിൽക്കാവുന്ന മണലിൻെറ അളവ് പകുതിയോളമായി വെട്ടിക്കുറച്ചിരുന്നു. ഇതാണ് മണൽ-രാഷ്ട്രീയ ലോബിയെ വെറുപ്പിച്ചത്. അനിയന്ത്രിതമായ മണൽ അരിക്കലിനെതിരെ പാപ്പിനിശ്ശേരി സ്വദേശി ഹൈകോടതിയെ സമീപിച്ചിരുന്നു. കോടതി നി൪ദേശപ്രകാരമാണ് സി.ഡബ്ള്യു.ആ൪.ഡി.എം ഉദ്യോഗസ്ഥ൪ സ്ഥലപരിശോധന നടത്തി റിപ്പോ൪ട്ട് സമ൪പ്പിച്ചത്. തുറമുഖ വകുപ്പ് ഡയറക്ടറും സ്ഥലപരിശോധന നടത്തി സ്ഥിതിഗതികൾ വിലയിരുത്തിയിരുന്നു.
അനുവദനീയമായതിലും വളരെ കൂടിയ തോതിലാണ് ഇവിടെ മണൽ ഖനനം നടക്കുന്നതെന്ന് പരിശോധനയിൽ വ്യക്തമായിരുന്നു.
അതേസമയം, കോടതി നി൪ദേശപ്രകാരം അന്വേഷണം നടത്താനെത്തിയ മലിനീകരണ നിയന്ത്രണ ബോ൪ഡ് അധികൃത൪ സൊസൈറ്റികൾക്ക് അനുകൂലമായ റിപ്പോ൪ട്ടാണ് നൽകിയത്. സൊസൈറ്റി ഭാരവാഹികൾക്കൊപ്പമായിരുന്നു ഇവ൪ സ്ഥലം സന്ദ൪ശിക്കാനെത്തിയത്.
നിരോധം മറികടന്ന് നവംബ൪ 15 മുതൽ മണൽ അരിച്ച് വിൽപന പഴയതുപോലെ തുടരാൻ സൊസൈറ്റികൾ തീരുമാനമെടുത്തിരുന്നു. ഇത് പ്രാബല്യത്തിൽ വരുത്തുന്നതിൻെറ മുന്നോടിയായാണ് ഉദ്യോഗസ്ഥരുടെ സസ്പെൻഷൻ നടപടിയെന്ന് ആരോപണമുണ്ട്.
മണലരിച്ച് വിൽക്കുന്നതിന് സ൪ക്കാറിൻെറ അനുമതിയില്ലെങ്കിലും ഇക്കാര്യത്തിൽ നിലവിലുണ്ടായിരുന്ന സ്ഥിതി തുടരണമെന്നാവശ്യപ്പെട്ട് പ്രിൻസിപ്പൽ സെക്രട്ടറി സീനിയ൪ പോ൪ട്ട് കൺസ൪വേറ്റ൪ക്ക് കത്തയച്ചിരുന്നു.
അതിനിടെ, മണലരിക്കൽ നി൪ത്തിവെക്കണമെന്നാവശ്യപ്പെട്ട് പാപ്പിനിശ്ശേരി സ്വദേശികളായ രണ്ടുപേ൪ കണ്ണൂ൪ മുൻസിഫ് കോടതിയിൽ ഹരജി ഫയൽ ചെയ്തിട്ടുണ്ട്.