വ്യാജ വനിതാ ഡോക്ടര്‍ പിടിയില്‍

ചാരുംമൂട്: സ്വകാര്യ ആശുപത്രിയിൽ ചികിത്സ നടത്തിയ വ്യാജ വനിതാ ഡോക്ടറെ പൊലീസ് പിടികൂടി.
വള്ളികുന്നത്തെ സ്വകാര്യ ആശുപത്രിയിൽ ചികിത്സ നടത്തിയ കോഴിക്കോട് ചേളന്നൂ൪ സ്വദേശി മിനിയാണ് (29) പിടിയിലായത്.
രഹസ്യവിവരത്തെ തുട൪ന്ന് തിങ്കളാഴ്ച വൈകുന്നേരം വള്ളികുന്നം പൊലീസ് ആശുപത്രിയിൽ എത്തി ഇവരുടെ രജിസ്റ്റ൪ നമ്പ൪ വാങ്ങി. പിന്നീട് ആശുപത്രി അധികൃത൪ അറിയാതെ രക്ഷപ്പെടാൻ ശ്രമിച്ച ഇവരെ ഫോണിൽ വിളിച്ച് നൂറനാട്ടുവെച്ച് പൊലീസ് കസ്റ്റഡിയിലെടുക്കുകയായിരുന്നു.
കോഴിക്കോട്, ഇടുക്കി എന്നിവിടങ്ങളിലും ഇവ൪ ഡോക്ടറായി പ്രവ൪ത്തിച്ചിട്ടുണ്ടെന്ന് പൊലീസ് പറഞ്ഞു. സെപ്റ്റംബ൪ ആദ്യംമുതൽ ഇവിടെ ജോലിചെയ്തുവരികയായിരുന്നു.
2011ലും ഇവ൪ മാസങ്ങളോളം ഈ ആശുപത്രിയിൽ ജോലിചെയ്തിരുന്നതായി പറയുന്നു. വിശദമായി ചോദ്യംചെയ്തുവരികയാണെന്ന് പൊലീസ് അറിയിച്ചു.