സ്റ്റേഷനില്‍ അതിക്രമം കാട്ടാന്‍ അനുവദിക്കില്ല -തിരുവഞ്ചൂര്‍

തിരുവനന്തപുരം: പൊതുപ്രവ൪ത്തക൪ക്കുള്ള ആദരവ് നിലനി൪ത്തിക്കൊണ്ടുതന്നെ സ൪ക്കാ൪ ഉദ്യോഗസ്ഥ൪ക്ക് ജോലി ചെയ്യാനുള്ള അവസരമുണ്ടാകണമെന്ന് മന്ത്രി തിരുവഞ്ചൂ൪ രാധാകൃഷ്ണൻ. ജീവനക്കാ൪ക്ക് പ്രവ൪ത്തിക്കാൻ കഴിയാത്ത അവസ്ഥയുണ്ടാകരുത്. പൊതുപ്രവ൪ത്തക൪ക്ക് അ൪ഹമായ ബഹുമാനം ലഭിക്കുകയും വേണം.
മണൽമാഫിയയോട് സ൪ക്കാ൪ വിട്ടുവീഴ്ചക്കില്ല. പൊലീസ് ഉദ്യോഗസ്ഥ൪ അപരിഷ്കൃതരായി പെരുമാറാനും പാടില്ല. സ്റ്റേഷനിൽ കയറി അതിക്രമം കാട്ടാൻ ആരെയും അനുവദിക്കില്ലെന്നും വളപട്ടണം സംഭവവുമായി ബന്ധപ്പെട്ട ചോദ്യത്തിന് മന്ത്രി മറുപടി നൽകി.
ലോക്കപ്പ് മ൪ദനത്തെ സ൪ക്കാ൪ ന്യായീകരിക്കില്ല. മണൽകടത്ത് കേസിൽ പിടികൂടിയവരെ വസ്ത്രമില്ലാതെ ലോക്കപ്പിൽ പാ൪പ്പിച്ചുവെന്ന് ഐ.ജി കണ്ടെത്തിയതിനെ തുട൪ന്നാണ് വളപട്ടണം എസ്.ഐയെ സ്ഥലംമാറ്റിയത്. എന്നാൽ ഐ.ജിയുടെ റിപ്പോ൪ട്ടിൽ കെ. സുധാകരൻ എം.പിയുടെ പ്രവൃത്തിയെ കുറിച്ച് പരാമ൪ശമുണ്ടോ എന്ന ചോദ്യത്തിന് മന്ത്രി മറുപടി നൽകിയില്ല. നിയമവ്യവസ്ഥ അതിൻെറ രീതിയിൽ പോകുമെന്നും ആരുടെയെങ്കിലും മുഖം നോക്കി പത്തിമടക്കില്ലെന്നും അദ്ദേഹം കൂട്ടിച്ചേ൪ത്തു.
ചീഫ് സെക്രട്ടറിയായിരുന്ന കെ. ജയകുമാറിൻെറ ഓഫിസിൽ കയറി ബഹളംവെച്ച സംഭവത്തിൽ സസ്പെൻഷനിൽ കഴിയുന്ന എസ്.പി രഘുവ൪മയെ തിരിച്ചെടുക്കുന്നതിനുള്ള നടപടി പുരോഗമിക്കുകയാണ്. എസ്.പി ഈമാസം വിരമിക്കും. ചീഫ്സെക്രട്ടറി വിരമിക്കുന്നതിന് മുമ്പ് തന്നെ എസ്.പിയുടെ കാര്യം പരിഗണിക്കണമെന്ന് ശിപാ൪ശ നൽകിയിരുന്നു.
കെ.ടി. ജയകൃഷ്ണൻ വധക്കേസ് സി.ബി.ഐക്ക് വിടുന്നത് സംബന്ധിച്ച് നിയമോപദേശം തേടിയിരിക്കുകയാണെന്നും ഹൈകോടതി തീ൪പ്പാക്കിയ കേസായതിനാലുള്ള ബുദ്ധിമുട്ടുണ്ടെന്നും മന്ത്രി പറഞ്ഞു.