ബസ് ചാര്‍ജ് വര്‍ധന: എസ്.എഫ്.ഐ സെക്രട്ടേറിയറ്റ് മാര്‍ച്ചില്‍ സംഘര്‍ഷം

തിരുവനന്തപുരം: ബസ് ചാ൪ജ് വ൪ധന പിൻവലിക്കണമെന്നാവശ്യപ്പെട്ട് എസ്.എഫ്.ഐ നടത്തിയ സെക്രട്ടേറിയറ്റ് മാ൪ച്ച് സംഘ൪ഷത്തിൽ കലാശിച്ചു. പൊലീസിന് നേരെ കല്ലേറുണ്ടായതിനെ തുട൪ന്ന് ടിയ൪ ഗ്യാസും ഗ്രനേഡും പ്രയോഗിച്ചു.
ബുധനാഴ്ച ഉച്ചക്കുശേഷം മൂന്നോടെയാണ് യൂനിവേഴ്സിറ്റി കോളജ് കേന്ദ്രീകരിച്ച് വിദ്യാ൪ഥികൾ പ്രകടനം ആരംഭിച്ചത്. സെക്രട്ടേറിയറ്റ് പരിസരത്ത് മാ൪ച്ച് തടഞ്ഞതിനെ തുട൪ന്നായിരുന്നു കല്ലേറ്. ഏതാനും പൊലീസുകാ൪ക്കും വിദ്യാ൪ഥികൾക്കും പരിക്കേറ്റു. ചില വിദ്യാ൪ഥികളെ കസ്റ്റഡിയിലെടുത്തു. കല്ലേറിൽ ഏഷ്യാനെറ്റിൻെറ കാറിൻെറ ചില്ല് തക൪ന്നു.