ദില്‍ഷന് സെഞ്ച്വറി; ലങ്കക്ക് ജയം

പല്ലേക്കെലെ: തിലകരത്നെ ദിൽഷൻ (102 നോട്ടൗട്ട്) നേടിയ അപരാജിത സെഞ്ച്വറിയുടെ മികവിൽ ന്യൂസിലൻഡിനെതിരായ മൂന്നാം ഏകദിനത്തിൽ ശ്രീലങ്കക്ക് ഏഴുവിക്കറ്റ് ജയം. മഴ കാരണം 33 ഓവറാക്കി ചുരുക്കിയ മത്സരത്തിൽ വിജയലക്ഷ്യമായ 197 റൺസ് 11 പന്തു ബാക്കിയിരിക്കെയാണ് മൂന്നു വിക്കറ്റ് നഷ്ടത്തിൽ ആതിഥേയ൪ എത്തിപ്പിടിച്ചത്. ഇതോടെ, അഞ്ചു മത്സരങ്ങളുടെ പരമ്പരയിൽ ശ്രീലങ്ക 2-0ത്തിന് മുന്നിലാണ്.
95 പന്തിൽ 12 ഫോറും ഒരു സിക്സറുമടക്കമാണ് ദിൽഷൻ 102ലെത്തിയത്. ഏയ്ഞ്ചലോ മാത്യൂസ് 47 പന്തിൽ പുറത്താകാതെ 54 റൺസെടുത്തു. അഭേദ്യമായ നാലാം വിക്കറ്റിൽ ഇരുവരും 127 റൺസ് കൂട്ടുകെട്ടുയ൪ത്തി. 88 പന്തിൽ പുറത്താകാതെ 96 റൺസെടുത്ത ബി.ജെ. വാട്ലിങ് ആണ് കിവീസിൻെറ ടോപ്സ്കോറ൪.