മദ്യപിച്ച് വാഹനം ഓടിച്ചതിന് ഡ്രൈവര്‍ അറസ്റ്റില്‍

ചാവക്കാട്: മദ്യപിച്ച് സ്കൂൾ വാൻ ഓടിച്ചതിന് ഒരുമനയൂ൪ കോളഞ്ഞാട്ട് വീട്ടിൽ തിലകനെ (25) പൊലീസ് അറസ്റ്റ് ചെയ്തു. ഇയാളുടെ ലൈസൻസ് റദ്ദ് ചെയ്യുമെന്ന് പൊലീസ് പറഞ്ഞു. ബാഡ്ജില്ലാതെയും മദ്യപിച്ചും വാഹനമോടിക്കുന്നതായി രഹസ്യവിവരം കിട്ടിയതിനെ തുട൪ന്നാണ് എസ്.ഐ കെ.എം. ഷാജി, അഡീഷനൽ എസ്.ഐ വി.ഐ. സഗീ൪ എന്നിവരുടെ നേതൃത്വത്തിൽ തിലകനെ കസ്റ്റഡിയിലെടുത്തത്.
മാങ്ങോട്ട് എ.യു.പി സ്കൂളിലെത്തി അസംബ്ളിയിൽ തിലകൻ പൊതുമാപ്പ് പറഞ്ഞു. സ്ഥിരമായി വാഹനമോടിച്ചിരുന്ന സി.കെ. ചന്ദ്രൻ അവധിയിലായ ഒഴിവിലാണത്രേ തിലകനെ ജോലിക്ക് വെച്ചത്. സ്കൂൾ വാഹനം പൊലീസ് കസ്റ്റഡിയിലെടുത്തിരുന്നു.